Lajme

U prezantua si agjent i CIA-s, dënohet me 3 vjet e 6 muaj burg

Autori: Gazeta inFokus 15:07 | 01 November 2021

Është dënuar Skender Guraziu me dënim prej 3 vjet e 6 muaj burg dhe 1300 euro gjobë, pasi ishte paraqitur rrejshëm si agjent i fshehtë i CIA-s dhe kishte mashtruar Vedat Rexhepin, se do t’ia gjente vëllain e zhdukur, duke i kërkuar mijëra euro si shpërblim.

Aktgjykimi në fjalë u shpall të hënën nga gjykatësi Adnan Kamberi, shkruan Gazeta Infokus.

Sipas këtij aktgjykimi, i akuzuari Guraziu për veprën penale “Mashtrimi” u dënua me dënim me burgim prej 2 vjet e 4 muaj dhe 800 euro gjobë, për veprën penale “Falsifikim i dokumenteve” i është shqiptuar dënim me burgim prej 1 vit e 8 muaj dhe për veprën penale “Prezantim i rremë si person zyrtar”, u dënua me 1 vit e 4 muaj burgim dhe 500 euro gjobë.

-Advertisement-

Pastaj, gjykata ndaj të akuzuarit Guraziu shqiptoi dënimin unik me 3 vite e 6 muaj burgim dhe 1300 euro gjobë.

Dënimi i shqiptuar me burgim sipas gjykatësit Kamberi, do të ekzekutohet brenda afatit prej 15 ditësh pas plotfuqishmërisë së këtij aktgjykimi.

Po ashtu, brenda afatit prej 15 ditësh pas plotfuqishmërisë së këtij aktgjykimi, i akuzuari Guraziu obligohet të paguajë dënimin me gjobë në të kundërtën dënimi me gjobë do t’i zëvendësohet në dënim me burgim duke iu llogaritur për një ditë burgimi shuma prej 20 euro.

I akuzuari, është obliguar të paguajë edhe shpenzimet procedurale dhe atë shumën prej 50 euro për paushallin gjyqësorë dhe 30 euro në emër të fondit për kompensimin e viktimave të krimit.

Aktakuza e ngritur më 20 tetor 2021, nga Prokuroria Themelore në Prishtinë, Skender Guraziun e ngarkon me veprat penale “Mashtrimi”, “Falsifikimi i dokumenteve” dhe “Prezantimi i rremë si person zyrtar”./Gazeta Infokus/

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme