Fun & Video

U premtonte shërim grave me ‘organin e tij mashkullor magjik’, dalin pamjet skandaloze të doktorit gjinekolog si vepronte me pacientet e tij

Autori: Gazeta inFokus 10:27 | 26 November 2021

Janë publikuar pamjet skandaloze të mjekut gjinekolog italian i cili u premtonte shërim grave duke penetruar me ‘penisin e tij magjik’.

Një mjek italian i njohur me pseudonimin ‘Dr. Flauti Magjik’ ka dhënë dorëheqjen nga spitali ku punonte pasi u kap gjysmë i zhveshur në një dhomë hoteli duke i ofruar për të kuruar sëmundjen e një gruaje duke kryer marrëdhënie seksuale me të.

Dr. Giovanni Miniello, 60 vjeç, një gjinekolog në Bari, ishte objektivi i një hetimi të fshehtë televiziv dhe i tha një aktoreje që po hiqej si paciente se ajo kishte papillomavirus njerëzor (HPV), një virus seksualisht i transmetueshëm që mund të shkaktojë kancer.

Miniello i tha ‘pacientes’ femër se mund t’i jepte imunitet ndaj virusit duke bërë seks me të sepse ishte vaksinuar.

Mjeku italian u zbulua nga emisioni investigativ ‘Le Iene’ pasi një 33-vjeçare u ankua se ai po mundohej të fuste në krevat pacientet e tij.

Gruaja, e identifikuar si Anna Maria, tha se ishte konsultuar me Miniello për pamundësinë për të ngelur shtatzënë dhe ai i tha gruas se kishte shenja të HPV-së, pavarësisht një testi negativ.

“Kam shpëtuar shumë gra nga kanceri. Të gjithë ata me të cilët kam pasur kontakt ishin negativë më pas”, thuhet se i tha asaj.

Por Anna Maria vendosi të kontaktojë gazetën italiane La Repubblica, duke pretenduar se Miniello i kishte prekur gjoksin në mënyrë të papërshtatshme dhe i kishte thënë se i pëlqenin gratë me gjoks të vogël. Gjatë videos, gruaja ndër të tjera e pyet doktorin nëse duhet të bëjnë me apo pa prezervartivë, dhe ai i përgjigjet që sigurisht pa mbrojtje.

Të tjera