“U ndanë para për familje që s’kanë pësuar dëme”, kryetari i Klinës akuzohet për dallavere me subvencionet pas vërshimeve
Autori: H.Smajli 16:13 | 22 February 2023
Qytetarët po akuzojnë kryetarin e Komunës së Klinës, Zenun Elezajn, për dallavere me subvencionet për dëmet nga vërshimet e fundit që prekën këtë komunë e disa të tjera në Kosovë.
Astrit Boja, shtëpia e të cilit gjendet në Klinë ka thënë për Gazetën Infokus se vlerësimi i dëmeve nga komuna nuk është bërë në mënyrë korrekte.
Ai ka deklaruar se fqinjit të tij i janë ndarë 7 mijë euro, edhe pse uji nuk i ka depërtuar fare brenda në shtëpi derisa atij i është ndarë një shumë më e vogël edhe pse shtëpia e tij ka qenë 1 metër nën ujë.
Sipas Bojës edhe banorëve të fshatrave Siqevë dhe Drenoc ani pse sipas tij nuk kanë pësuar ndonjë dëm të madh nga vërshimet, u janë ndarë shumë të mëdha si 7 mijë euro.
“Kojshisë tem ja kanë nda 7 mijë euro. Damet në shpinë tem janë shumë më të mëdha, uji ka hy më shumë se një metër, kjo ndarje nuk ka qenë korrekte dhe është bërë qëllimisht. Janë ndarë para për njerz që s’kanë pasë dëme. Kojshisë tem nuk i ka hy fare uji në shpi, absolutisht asnjë pikë. Te unë veç llusterat kanë mbet vjerr gjanat tjera komplet mi kanë gju jashtë se i ka prishë uji. E asnjë në mahallë tem s’është dëmtu si unë këtë e kanë parë të gjithë aty. 5 mijë e 600 i kanë nda për mu që m’ka ba krejt rrafsh e 6 mijë e 900 për ata që si ka hy uji hiq. Edhe fshatrat që janë ndarë shuma të mëdha për disa banorë e që nuk kanë pasë dëme janë Drenoci dhe Siqeva”, ka thënë, Boja për Gazetën Infokus.
Madje ai ka dërguar edhe pamje të dëmeve të mëdha që vërshimet i shkaktuan në shtëpinë e tij.
Edhe Arben Limani, asamblist i Lidhjes Demokratike të Kosovës në Komunën e Klinës ka thënë se ka marrë ankesa të shumta nga qytetarët se ndarja e subvencioneve ka qenë e padrejtë.
“Njerëzit benda një fshati janë vlerësu dikush me shuma ma të mëdha dikush më të vogla e dëmet kanë qenë të njëjta. P.sh. mu më kanë ardhë disa qytetarë dhe i kam prezentu edhe me emra ata në seancë në kuvendin komunal. Unë nuk e di nëse ata që janë vlerësuar me këto shuma nga komuna a i kanë pasë realisht këto dëme por përderisa kemi pasë ankesa nga qytetarët e kemi ngrit si çështje. Në të njëjtin fshat ka hy uji ndoshta mbi një metër dikush është vlerësuar me shumë e dikush më pak. Unë jam marrë me ankesat dhe dyshimet e qytetarëve sepse nuk kam dalë në terren me pa gjendjen”, ka thënë Limani.
Limani ka thënë për Gazetën Infokus se ankesat e qytetarëve i ka dërguar edhe në Komunë dhe se pret që ato të rishqyrtohen.
“Unë edhe në Kuvendin Komunal kam bërë ankesë pasi kam pasë disa ankesa që i kanë pasë banorët për vlerësime jo të drejta të dëmeve të vërshimeve. Është thirrë seancë e jashtëzakonshme në Kuvend, dhe kemi kërkuar që këto kërkesa të qytetarëve me u rishqyrtu. Këto janë informatat që kam deri më tash. Janë bërë disa selektime në këto ndarje”
Ndërsa në bazë të listës të publikuar nga Komuna e Klinës, shuma totale e ndarë për dëmet nga raporti i vlerësimit të dëmeve është 3 milionë e 844 mijë euro. Prej tyre 1 milion e 800 mijë janë ndarë për dëmet e shkaktuara në infrastrukturë, derisa pjesa e mbetur apo 2 milionë e 44 mijë u janë ndarë qytetareve të prekur nga vërshimet. Shumat më të mëdha sipas kësaj liste janë ndarë për bizneset e prekura nga vërshimet.
Lista e çuditshme ku përfitues të shumave të ndryshme janë 3 qytetarë nga Drenoci!
Pjesë e kësaj liste është fshati Drenoc, për të cilin edhe ka pasur ankesa nga qytetarët. Në listën e komunës me emra të përfituesve çuditërisht janë vetëm 3 qytetarë që kanë përfituar që do të thotë në të gjithë fshatin ka pasur vërshime në vetëm tre shtëpi.
R.A nga ky fshat mori 7 mijë euro nga komuna për dëmet nga vërshimet.
Ndërsa nga po i njëjti fshat, V.R i janë dhënë vetëm 700 euro pasi vlerësimit të dëmeve.
Një person tjetër që ka përfituar nga komuna, në këtë fshat është edhe N.Z i cili ka marrë 1 mijë e 100 euro. Pra në të njëjtin fshat janë vetëm tre persona që kanë përfituar dhe shumat dallojnë shumë me njëra tjetrën.
Ndërsa fshati Siqevë për të cilin po ashtu i pari i Klinës po akuzohet se ka bërë dallavere në ndarjen e subvencioneve, sipas listës janë vetëm dy qytetarë përfitues.
Që do të thotë se në të gjithë fshatin vetëm dy shtëpi janë prekur nga vërshimet. Njëri banorë I.R ka marrë 665 euro ndërsa tjetri K.R ka marrë afro 3 mijë euro.
Gazeta Infokus në lidhje me këto akuza ka dërguar pyetje edhe në komunën e Klinës. Por edhe pas tetë ditësh të njëjtit nuk kanë qenë të gatshëm të flasin për këtë çështje.
Derisa mbetet të shihet nëse ankesat e qytetarëve do të merren parasysh nga komuna./Gazeta Infokus/
Lista e plotë e personave që përfituan nga subvencionet:
Raporti-i-vlerësimit-të-dëmeve.
Pas 6 orësh në afërsi të banesës së Adil Behramajt shihen edhe Policia e Kosovës
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...