Lajme

U kap duke gërmuar pa leje në Leposaviq/ Prokuroria ndalon mjetet motorike dhe hap rast penal ndaj të dyshuarit

Autori: Gazeta inFokus 15:06 | 22 May 2025

Prokuroria Themelore në Mitrovicë ka njoftuar opinionin publik se ka ndërmarrë masa të menjëhershme lidhur me një rast të degradimit të mjedisit në komunën e Leposaviqit.

Më 20 maj 2025, në fshatin Popovcë, është ndaluar një person i dyshuar me inicialet S.V., i cili ishte kapur në flagrancë duke gërmuar një shkëmb me makineri të rëndë, pa pasur leje të nevojshme ligjore për zhvillimin e kësaj veprimtarie.

Me këtë rast, Prokuroria ka dhënë urdhër të përkohshëm ndalues për mjetet motorike të përfshira në aktivitetin ilegal:

-Advertisement-

Një kamion i markës Volvo 380, ngjyrë e kaltërt, me tabela vendore të regjistrimit;
Një bager Ulta 150 L, ngjyrë e verdhë, pa dokumentacion përkatës.

Ndaj të dyshuarit S.V., është hapur procedurë për veprën penale “Ndotja, degradimi ose shkatërrimi i mjedisit”.

Prokuroria Themelore në Mitrovicë ka theksuar se mbetet e përkushtuar në luftimin e veprave penale që dëmtojnë mjedisin dhe se do të vazhdojë me vendosmëri të ndjekë penalisht çdo individ apo grup që shkakton dëme ndaj natyrës dhe pasurisë së përbashkët.

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme