Lajme

‘U faktorizuan në luftë’

Autori: Gazeta inFokus 11:32 | 08 July 2017

Profesori i shkencave politike, Arben Qirezi, thotë për “Zërin” se fakti që Haradinaj dhe Thaçi kanë qenë drejtues të lartë të UÇK-së ka ndikuar që të kenë përkrahje të qytetarëve për partitë që i kanë themeluar.

“Fakti që Thaçi, Veseli e Haradinaj kanë qenë drejtues të lartë të UÇK-së ka ndikuar që ata ta kenë mbështetjen e një shtrese të caktuar të qytetarëve për partitë e tyre”, ka thënë Qirezi.

Ai thotë se votat e qytetarëve, marrëveshjet politike, manovrimet paszgjedhore po u mundësojnë që të vijnë në krye të këtyre institucioneve, shkruan “Zeri.info”.

-Advertisement-

“Janë votat dhe kombinatorikat paszgjedhore, marrëveshjet politike ato që ua kanë mundësuar të treve të kenë pozita të larta shtetërore”, ka thënë tutje Qirezi.

Kurse profesori i marrëdhënieve ndërkombëtare në Universitetin e Prishtinës, Dashnim Ismajli, ka vlerësuar se janë pikërisht ndërkombëtarët ata që i faktorizuan ish-udhëheqësit e UÇK-së. Sipas Ismajlit, sfidimi i gjithë procesit shtetndërtues ka ndodhur si rezultat i funksioneve të fituara nga lufta edhe në kohën e post-konfliktit.

“Megjithatë unë mendoj se përgjegjësinë kryesore për faktorizimin e këtyre grupeve në kohën e paskonfliktit duhet ta mbajë bashkësia ndërkombëtare, për arsye se po ky komunitet ndërkombëtar ka pranuar, ka legjitimuar dhe ka faktorizuar grupacione të tilla që nuk mund të konsiderohen kredibile, si palë bashkëpunuese në ndërtimin e shtetit të Kosovës”, është shprehur Ismajli.

Më tej ai ka theksuar se përkrahja që këta individë kanë gëzuar nga ndërkombëtarët i ka ndihmuar ata ta shtrijnë pushtetin në çdo sferë publike e private./Zeri/.

Subscribe në YouTube: GAZETA INFOKUSI