Lajme

Turqia nis trupat e saj në Kosovë për të përforcuar KFOR-in

Autori: Gazeta inFokus 14:43 | 04 June 2023

Një numër i ushtarëve turq janë nisur drejt Kosovës.

Kjo si përforcim për misionin e KFOR-it.

Konfirmimi bë nga Ministria e Mbrojtjes ë Turqisë.

Në njoftimin e kësaj ministrie thuhet se batalioni i Brigadës 65-të të Mekanizuar të Këmbësorisë, është nisur drejt Kosovës.

Që nga 26 maji, në tri komunat veriore Zubin Potok, Leposaviq dhe Zveçan, serbët kanë organizuar protesta.

Kjo për të kundërshtuar hyrjen e kryetarëve të zgjedhur më 23 prill, në objektet komunale.

Situata ishte tejet e tensionuar të hënën e 29 majit, kur pati edhe përleshje në mes të KFOR-it dhe protestuesve.

Si rezultat i sulmit nga protestuesit serbëm 30 ushtarë u lënduan, në mesin e tyre tre nga arma e zjarrit.

Në anën tjetër bashkësia ndërkombëtare ka kërkuar nga institucionet e Kosovës dhe Serbisë që të ndërmarrin hapa për de-përshkallëzimin e situatës në veri.

Shtetet e Bashkuara të Amerikës dhe Bashkimit Evropian, i kanë bërë thirrje presidentes Vjosa Osmani dhe kryeministrit Albin Kurti, që të organizojnë zgjedhje të reja në këto komuna.

Po ashtu që të sigurojnë pjesëmarrjen e serbëve në ato zgjedhje.

Gjithashtu është kërkuar që të nis puna për themelimin e Asociacionit të Komunave me shumicë serbe.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Rame Lahaj, ambasador i VISA Infinite kartelës së Bankës TEB

Të tjera

Fokusi

lajme