Ekonomi

Turqia kërcënohet nga një krizë ekonomike

Autori: Gazeta inFokus 15:44 | 26 May 2018

Turqia i drejtohet zgjedhjeve te qershorit duke u ballafaquar me një kolaps të monedhës së tij që kërcënon të shkaktoje një krizë ekonomike.

Që nga fillimi i vitit, lira turke ka humbur gati 20% të vlerës kundrejt dollarit amerikan, edhe pse arriti ta merrte veten disi këtë javë pas një rritjeje të normës së interesit nga Banka Qendrore Turke.

Ka shenja gjithnjë e me të mëdha se qeveria e Erdoganit po shtrëngon kontrollin e saj jo vetëm mbi Turqinë, por edhe mbi Bankën Qendrore që po kthehet në fokusin e saj, thotë ekonomisti financiar botëror i Commerzbank, Peter Dixon.

-Advertisement-

Mendoj se tregjet po fillojnë të shqetësohen lidhur me masën e ndërhyrjes së ekzekutivit turk tek politikat e kësaj banke, e ky ka qenë padyshim një nga faktorët që kanë shkaktuar tërmetin e lirës turke, shprehet ai.

Banka Qendrore e rriti normën e interesit nga 13.5 në 16.5 për qind. Presidenti Erdogan nuk e ka mbajtur të fshehtë faktin që kërkon të kontrollojë edhe normat në fjalë, të cilat i përshkuan si “nënën e të gjitha të këqijave”.

Por rënia e Lirës dhe inflacioni në rritje po ndikojnë në fuqinë e shpenzimit të njerëzve të thjeshtë, të cilët janë njëkohësisht edhe votues.

Rritja e normës së interesit ishte një përpjekje për të frenuar inflacionin, por analistet e përshkruajnë këtë si një lëvizje që ishte “shumë pak dhe shumë vonë”.

Subscribe në YouTube: GAZETA INFOKUSI
Etiketa:
Çka do të thotë të gatuash shqip?
-Advertisement-

Të tjera

Fokusi

ekonomi