Lajme

Turqia – Gjermanisë: Mund t’i tërheqësh trupat kur të duash

Autori: Gazeta inFokus 11:24 | 18 May 2017

Gjermania është e lirë t’i tërheqë trupat e veta nga baza ajrore turke “Incirlik”, ka thënë sot ministri i Jashtëm i Turqisë, Mevlut Cavusoglu, duke shtuar se Berlini duhet ta ndryshojë qasjen ndaj Ankarasë.

Në një intervistë për transmetuesin NTV, Cavusoglu ka thënë se Ankaraja nuk është duke tentuar ta shantazhojë Berlinin duke ua ndaluar ligjvënësve gjermanë qasjen në bazën ajrore “incirlik” ku janë të vendosur rreth 250 trupa gjermane, si pjesë e koalicionit ushtarak kundër Shtetit Islamik (ISIS), transmeton Express.

Zyrtarët turq kanë thënë për Reuters se vizita e ligjvënësve gjermanë në këtë kohë nuk do të ishte e përshtatshme.

-Advertisement-

Ndërkohë dje, ministrja e Mbrojtjes e Gjermanisë, Ursula von der Leyen, tha se qeveria gjermane është duke i vlerësuar alternativat e mundshme për largimin e trupave nga baza ajrore turke dhe zhvendosjen e tyre në Jordani për një kohë.

E Cavusoglu ka thënë se Gjermania mund ta bëjë këtë nëse dëshiron.

“U takon atyre të vendosin nëse dëshirojnë të largohen. Nuk do t’iu lutemi të qëndrojnë. Ata deshën të vinin këtu dhe ne u ndihmuam. Nëse dëshirojnë të shkojnë ne do t’iu themi lamtumirë,” ka thënë ai.

Marrëdhëniet mes aleatëve të NATO-s dhe Turqisë janë përkeqësuar pas një serie mosmarrëveshjeve diplomatike.

Subscribe në YouTube: GAZETA INFOKUSI