Lajme

Turqia dënon një gjykatës të OKB-së për “terrorizëm”

Autori: Gazeta inFokus 12:46 | 15 June 2017

Një gjykatë në Turqi dënoi një gjykatës të Kombeve të Bashkuara me shtatë vjet e gjysmë burg, nën akuzat se është anëtar i një organizate terroriste.

Agjencia e lajmeve Anadolu tha se gjykata në Ankara i ka shqiptuar dënimin Aydin Sefa Akayt, shtetas turk.

Akay, gjykatës në Mekanizmin e OKB-së për Tribunalin Ndërkombëtar në Hagë, është arrestuar në shtator.

-Advertisement-

Gjykata e OKB-së tha se Akay është dënuar nën akuzën se është anëtar i organizatës FETO, për të cilën Turqia thotë se është terroriste dhe se mbështet klerikun fetar, Fethullah Gulen.

Ankarja e akuzon Gulenin për orkestrimin e një përpjekjeje për grushtshtet në Turqi, korrikun e kaluar.

Gulen e mohon përfshirjen.

Gjykata në Hagë po ashtu tha se arrestimi dhe procedurat ligjore kundër Akayt e shkelin ligjin ndërkombëtar, pasi ai duhet të gëzojë imunitet diplomatik.

Subscribe në YouTube: GAZETA INFOKUSI