Mbi gjashtë mijë figura të ndryshme zunë vend në Fjalorin Enciklopedik të Kosovës.

Në të hapësirë e madhe iu nda edhe vet akademikëve, madje edhe familjarëve të tyre.

Për vet kryeredaktorin, akademikun Mehmet Krajën, u shkrua gjer e gjatë. Në këtë Enciklopedi zunë vend edhe dy vajzat e tij Garentina (gazetare) dhe Arzana (regjisore), shkruan Gazeta inFokus.

-Advertisement-

Veç futjes së shumë figurave pa ndonjë kriter ka edhe shumë personalitete me nam që mbeten jashtë kësaj Enciklopedie prej 1,818 faqesh.

Bajram Rexhepi është njëri ndër ta.

Mjeku me nam nga Mitrovica që u bë kryeministri i parë i Kosovës nuk zë vend në  Fjalorin Enciklopedik që për kryeredaktor ka akademik Mehmet Krajën, shkruan Gazeta inFokus.

Për dijeninë e Mehmet Krajës dhe akademikeve tjerë më 4 mars të vitit 2002, pas tre muaj bisedimesh dhe me ndërmjetësimin e kryeadministratorit të atëhershëm të Kosovës Michael Steiner, Kuvendi i Kosovës zgjodhi Bajram Rexhepin si Kryeministrin e parë të Kosovës dhe Ibrahim Rugovën si president.

Në atë kohë Bajram Rexhepi u konsiderua politikan i moderuar dhe me gogja peshë për pajtimin politik në vendin e dalë nga lufta e me plot armiqësi.

Si kryeministër vendi Bajram Rexhepi mbahet mend jo vetëm për konsolidimin e institucioneve të Kosovës por edhe si njëri ndër më meritorët për ndalimin e trazirave ndëretnike të fillimvitit 2004.

Kryeministri i atëhershëm doli në ballë të protestuesve marsin e këtij viti, shkruan Gazeta inFokus.

Ndryshe, po për Mehmet Krajen dhe ASHAK-un Bajram Rexhepi ka lindur më 3 qershor 1954 në Mitrovicë, ishte kirurg para se të bëhej politikan.

Edhe në punën e parë ai ka lënë gjurmë.

Gjatë luftës, më 1999 Bajram Rexhepi iu kishte bashkuar Ushtrisë Çlirimtare të Kosovës dhe kaloi tre muaj në male duke shërbyer si mjek në Zonën Operative të Shalës.

Pas luftës, Bajram Rexhepi shërbeu edhe si kryetar i këshillit bashkiak të qytetit të ndarë të Mitrovicës.

Bajram Rexhepi e la politike më 2014 për të vazhduar karrierën e tij si kirurg.

Ai vdiq më 21 gusht 2017 nga kancerit në një spital turk. /Gazeta InFokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-