Lajme

Turbullira pas reshjeve të shiut, Fushë Kosova e Drenasi pa ujë

Autori: Gazeta inFokus 11:28 | 20 November 2022

Kompania Rajonale e Ujësjellësit “Prishtina”, ka njoftuar se për shkak të turbullirës së ujit në kanalin e Ibrit ( NTU është mbi 90) si shkak i reshjeve të dendura atmosferike, e bën të pamundur trajtimin e ujit në Shkabaj, sepse uji është jashtë çdo standardi me të cilin mund të trajtohet në Impiant.

Sipas KRU “Prishtina”, si pasojë e mos kryerjes së punëve nga NH Ibër Lepenc në kanal, zotim për të cilin kishin marrë edhe me tarifë më të lartë nga ARRU, po të njëjtit nuk kanë mbajtur konfirmimet kontraktuale.

“Si pasojë e kësaj, Fushë Kosova mbetet pa furnizim me ujë duke filluar nga ora 10:00 dhe do zgjasë deri në përmirësimin e situatës me turbullirë e në të njëjtën kohë çrregullime të furnizimit me ujë do të ketë edhe komuna e Drenasit”, thuhet në njoftim.

-Advertisement-

Subscribe në YouTube: GAZETA INFOKUSI