Tunizia dhe Maroku, pse kaq shumë terroristë nga këto vende?
Autori: Gazeta inFokus 22:03 | 27 August 2017
Në atentatet terroriste në Europë bien në sy terroristë me origjinë nga Tunizia e Maroku. Edhe në atentatin e Barcelonës, terroristi i kishte rrënjët në Marok. Nga vjen ky ekstremizëm fetar në këto vende?
Ridha Raddaoui është avokat. Ai ka punuar për të vlerësuar dosjet e më shumë se 1000 të dyshuarve si terroristë në Tunizi. Konkluzioni i tij: “Më shumë se tre të katërtat e tyre janë më të rinj se 34 vjeç. Kjo është një gjeneratë e re, që nuk e ka ndjerë presionin e diktaturës. 40% e tyre kanë qenë të regjistruar edhe në universitet.”
Shumë janë të rinj, të arsimuar. 70% e të dyshuarve për terrorizëm në Tunizi kanë qenë në kampet e trajnimit jashtë, thotë avokati. Gjysma e të fajësuarve ka gjetur kontaktin me ekstremistët përmes librave fetarë. Të tjerë kanë kaluar nga qarqet e vogla kriminale në gjoja luftën me motive fetare. Por nuk ka një profil të saktë, nuk ka një rrugë të njëjtë për të gjithë drejt ekstremizmit.
Raddaoui dhe kolegët e tij kanë arritur në përfundimin se burgjet e vendit janë fole të radikalizimit. Raddaoui kritikon që edhe 6 vjet pas revolucionit autoritetet në Tunizi nuk kanë arritur të kenë një koncept kundër radikalizimit.
“Autoritetet duhet të zhvillojnë konceptet për deradikalizimin. Por deri më sot nuk është bërë asgjë.” Për strategjitë parandaluese as që bëhet fjalë. Rafiqui u arsimua në Arabinë Saudite. Aty interpretohet kurani në mënyrë vahabite, puriste, gati fjalë për fjalë.
Në Marok mund të japin kontribut njerëz si Abou Hafs. Ai ka qenë i njohur si predikues salafist, i ri, radikal. Pas 9 vitesh në burg, ai rimori emrin e rij të parë, Mohamed Rafiqui. Ai rrëfen se si u bë ekstremist. Babai ishte mjaft konservator e besimtar, dominant, miqtë e tij po ashtu. Rafiqui thotë se “m’u mësua vetëm një interpretim i islamit. Mësuesit e mi nuk më thënë që ka shumë interpretime të tjera. Këtë e kam mësuar më vonë. Ky ishte një shok.” Deri në këtë shok, Rafiqui predikonte kundër të pafeve në Marok, i miratoi sulmet e 11 shtatorit si dënim të merituar për të pafetë.
Vahabizmi, forma më konservatore e islamit, shihet sot si terreni ushqyes për të ashtuquajturin “Shteti Islamik”. Në vitet 70-të e 80-të ai zuri vend edhe në Marok. Në këtë fazë të riislamizimit, mbreti Hasani II donte t’u kundërvihej të majtëve që e vinin në pikëpyetje monarkinë. Eksperti për fenë, Ahmed Assid, në Institutin Mbretëror në Rabat thotë se “vahabizmi u përdor për të vendosur qetësinë. Sepse ai bazohet tek ideja, se sunduesi është ai që di se c’është e mirë për myslimanët, dhe këtë duhet ta pranojnë të gjithë. Të ngrihesh kundër sunduesit është krim në vahabizëm.”
Interpretimi konservator i islamit zuri vend në shkolla e universitete. Maroku u bë më autoritar e pjesërisht radikal. Salafistët nxisnin të rinjtë në emër të islamit. Në vitin 2003, 12 atentatorë nga një lagje e varfër e Casablancas rreth 40 vetë. Një zile alarmi për mbretërinë. Që atëherë ushtrohet më shumë kontroll për predikuesit dhe imamët, ofrohen më shumë investime në lagjet e varfra.
Kreu i “Qendrës për Hetimet e drejtësisë” (BCIJ), Abdelhaq Khiame shprehet se që nga krijimi i qendrës janë goditur 46 celula terroriste në Marok. “Duhet të luftohet arsyet e radikalizimit. Këtu luajnë rol edhe familjet, shkolla, shoqëria, të gjithë sepse kjo është një sfidë e përbashkët.” Radikalizimi zhvillohet nga shkaqe të ndryshme, këtë e tregojnë studimet në Tunizi, kjo vlen edhe për Marokun. /DW/
Të tjera
-
Kurti, Vuçiq, Rama, O’Brien mblidhen në Mal të Zi në Samitin Rajonal të liderëve, kjo është agjenda
Samiti Rajonal i liderëve do të mbahet në Kotor të Malit të Zi më 15 dhe 16 m...
-
Haradinaj: Nëse Kosova s’anëtarësohet në KiE është përgjegjësi e Osmanit, Kurtit e Konjufcës
Kryetari i AAK-së, Ramush Haradinaj, ka thënë se nëse humbet momentumi i pran...
-
Haziri: Ballafaqimi i Kurtit për anëtarësimin në KiE është humbje për Kosovën
Nënkryetari i Lidhjes Demokratike të Kosovës, Lutfi Haziri, ka thënë se balla...
-
Zgjedhjet në Maqedoni: Afati për ankesa në KSHZ përfundon pak para mesnatës
Afati për dorëzimin e ankesave në Komisionin Shtetëror Zgjedhor në Maqedoni t...
-
Dërgohen në Finlandë mostrat biologjike të terror*istëve të Banjskës
Ministria e Drejtësisë në bashkëpunim me Prokurorinë Speciale i kanë dërguar ...
-
Sveçla: Vetëm sot 29 qytetarë i kanë konvertuar patentë shoferët ilegal në RKS
Ministri i Punëve të Brendshme, Xhelal Sveçla ka njoftuar se në ditën e parë,...
-
Tetë vite burgim për serbët që kultivuan kanabis në laboratorë në veri, një tjetër akoma në arrati
Ivan Slaviq dhe Redenko Keseroviq janë dënuar me gjithsej tetë vite burgim, p...
-
400 euro gjobë kanosësit të saj, Kusari-Lila e quan selektiv sistemin e drejtësisë
Shefja e Grupit Parlamentar të Lëvizjes Vetëvendosje, Mimoza Kusari-Lila, ka ...
-
Haradinaj i bindur se mbështetja për AAK-në po rritet
Kryetari i Aleancës për Ardhmërinë e Kosovës, Ramush Haradinaj, ka takuar të ...
-
Përveç QUINT-it, edhe Austria i kërkon Kosovës hapa për themelimin e Asociacionit për të arritur sigurt shumicën për KiE
Përveç shteteve të QUINT-it, Kosovës po i kërkohet edhe nga shtete të tjera t...
-
Hovenier takon kryetarin e VATRA-s: Diaspora në ShBA është partner thelbësor
Ambasadori i ShBA-së në Kosovë, Jeffrey Hovenier, ka takuar kryetarin e parti...
-
Kurti bashkëbisedon virtualisht me ish-presidenten e Zvicrës, i shpreh mirënjohje për mbështetje
Kryeministri i Republikës së Kosovës, Albin Kurti, zhvilloi një takim virtual...