Tubohen malazezët për protestën e tretë masive: Kurrë Mali i Zi s’do të bëhet siç e ëndërron Vuçiqi
![](https://gazetainfokus.com/wp-content/uploads/2022/11/1669656262g5cnl0mbbfdzesfl-i_1118x745-696x464-11-696x460.jpg)
Autori: Gazeta inFokus
19:02 | 28 November 2022
Qytetarë të shumtë tashmë ndodhen para Kuvendit të Malit të Zi, ku së shpejti duhet të nisë tubimi i tretë protestues “Ima nas”, shkruan “Analitika”.
Në fillim të takimit, qytetarë të shumtë i përshëndeti aktivisti qytetar, Predrag Vushurovic, i cili kujtoi se peticionin për zgjedhje të parakohshme e kanë nënshkruar 35 mijë qytetarë.
“Ky nuk do të jetë kurrë Mali i Zi për të cilin Vuçiq ëndërron”, theksoi ai.
Organizatorët sapo kanë bërë të ditur se në Podgoricë ende po vijnë qytetarë nga qytetet tjera.
“Nuk e japim Kushtetutën, duam zgjedhje”, “Jo shërbëtorëve të Vuçiqit” dhe “Nuk të japim Malin e Zi” janë disa nga pankartat e mbajtura nga pjesëmarrësit në tubim.
Në hyrjet e Podgoricës ende ka turma të mëdha, ndërsa qytetarët nga komunat tjera vazhdojnë të vijnë.
Protesta e 9 shtatorit të këtij viti, ishte masive dhe u mbajt po në Podgoricë me thirrjen për kthimin në binar të shtetit të Malit të Zi, protestë kjo e cila morri mbështetje të madhe nga presidenti malazias, Millo Gjukanoviç.
U numëruan rreth 17 mijë protestues, sipas mediave malazeze, të cilët u shprehën njëzëri se nuk do të lejojnë “shkatërrimin” e karakterit civil të shtetit dhe Kushtetutës pas amandamentit kontraverz të Ligjit për Presidentin nga blloku pro-rus dhe pro-serb i Frontit Demokratik.
Marshi nisi dhe mbaroi me himnin kombëtar të Malit të Zi, dhe mesazhet që u dërguan ishte se qytetarët anembanë Malit të Zi do t’i dalin zot ruajtjes së vendit.
Janë tri kërkesat kryesore të qytetarëve, të cilat i ka paraqitur organizatori i takimit, Nebojsha Mrvaljeviç nga Forumi i Qytetarëve të Lirë “Luça”: të tërhiqet ligji antikushtetues dhe puçist për presidentin për të parandaluar rrëzimin e rendit kushtetues, një marrëveshje për gjyqtarët e Gjykatës Kushtetuese dhe organizimin e zgjedhjeve të jashtëzakonshme parlamentare, pasi Mali i Zi do të merrte sa më shpejt një qeveri të përgjegjshme.
Janë bërë tashmë dy vite që kur Mali i Zi e ka gjetur veten të tjetërsuar politikisht nga brenda, shkruan Reporteri.
Dy qeveri janë rrëzuar, e treta që provon të bëhet, nga rezultati i njëjtë i zgjedhjeve të gushtit 2020, derisa shteti qëndron në vendnumëro.
Kjo e treta, nga dështimi për t’u bërë, ia ka mësyrë ndryshimit të Ligjit për Presidentit, me ç’rast synohet marrja e disa kompetencave kushtetuese nga institucioni i Presidentit, përkatësisht ajo e dhënies së mandatarit për formim të qeverisë.
Partitë sovraniste malaziase e kanë përshkruar si grusht shteti kushtetues nga mazhoranca e vjetër/re e DF-së pro-serbe dhe pro-ruse.
![](https://gazetainfokus.com/wp-content/uploads/2023/10/IMG_8290.png)
Të tjera
-
Lajçak takohet me këshilltarin e Macronit, pritet diskutimi për dialogun Kosovë-Serbi
Emisari i BE-së për dialogun Kosovë-Serbi, Miroslav Lajçak, pas Prishtinës e ...
-
Orav takohet me përfaqësues të serbëve në veri: Do të punojë që zotimet e Kosovës ndaj komuniteteve të zbatohen
Shefi i ri i zyrës së Bashkimit Evropian në Kosovë, Aivo Orav sot gjatë d...
-
Ajeti e takon Scholzin: Gjermania, një aleat historik dhe tradicional i Kosovës
Ambasadori i Gjermanisë në Kosovë, Faruk Ajeti, sot e ka takuar kancelarin gj...
-
Në ditët në vijim priten rrebeshe shiu në Kosovë, por jo dhe vërshime
Në ditët në vijim në Kosovë, priten reshje e shiu e rënie të temperaturave. ...
-
Gjendet pa shenja jete një grua në Fushë Kosovë
Një trup i pajetë është gjetur në rrugën “Hysen Xhakolli” në Fushë Kosovë. ...
-
Hoxhaj, Lavrovit: Propaganda ruse dhe serbe e ‘spạstrimit etnik’ të serbëve në Kosovë, përpjekje për destabilizim
Nënkryetari i Kuvendit nga radhët e PDK-së, Enver Hoxhaj, ka reaguar ndaj dek...
-
Lavrov: Po tentojnë që serbët t’i dëbojnë në heshtje nga Kosova
Ministri i Jashtëm rus, Sergei Lavrov, ka thënë se serbët e Kosovës janë duke...
-
Kurti: Trashëgimia e Rexhep Lucit mbetet e gjallë dhe duhet të vazhdojë përmes veprave tona
Kryeministri Albin Kurti, përmes një njoftimi ka bërë të ditur se e ka shikua...
-
Aksident në mes autobusit të “Trafikut Urban”, dhe një veture në Prishtinë (PAMJE)
Një aksident trafiku ka ndodhur para pak minutave në mes të autobusit të “Tra...
-
Arrestohet një serb për krimẹ lụftẹ në Istog
Policia e Kosovës ka arrestuar një serb për krime lufte kundër popullsisë civ...
-
“Ekrem Rrahmani, assesi nuk po mund të edukohet” reagon VV-ja në Podujevë pas përplasjes me Bulliqin
Lëvizja Vetëvendosje e Qendrës në Podujevë, ka reaguar pas përplasjes...
-
Lansohet projekti për sigurinë e fëmijëve në trafik
Në shkollën fillore ” Naim Frashëri” në Prishtinë, sot u bë lansimi i projekt...