Lajme

Tubim madhështor i LDK-së dhe koalicionit në Prishtinë

Autori: Gazeta inFokus 12:27 | 09 June 2017

Koalicioni Lidhja Demokratike e Kosovës (LDK), Aleanca Kosova e Re (AKR), Alternativa dhe Lëvizja për Drejtësi, sot, duke filluar nga ora 17:00, mbajnë në Pallatin e Rinisë në Prishtinë, manifestimin qendror të përmbylljes së fushatës për zgjedhjet e së dielës.

LDK dhe koalicioni i saj po e përmbyllin një nga fushatat më të suksesshme të viteve të fundit, gjatë së cilës është shpalosur në detaje programi qeverisës dhe janë prezantuar kandidatët për deputetë. Fushata e Koalicionit ishte model, jo vetëm për Kosovën, por edhe më gjerë, se si një program qeverisës shkrihet në veprime konkrete, afate kohore dhe rezultate të matshme.

Koalicioni i djathtë konsideron se 110 kandidatët e propozuar në një listë me personalitete nga të gjitha fushat dhe me duar të pastra, është pranuar masivisht nga elektorati dhe qytetarët.

-Advertisement-

Prof. Dr. Avdullah Hoti, me përgatitjen e tij akademike në Britaninë e Madhe, me përvojën e suksesshme në pushtetin lokal dhe qendror, si dhe me biografinë e tij të pastër, është alternativa e vetme dhe e pakonkurrencë në zgjedhjet e së dielës.

Ky ekip dhe ky program janë rruga e vetme për të ndërtuar një shtet ligjor, pa krim dhe korrupsion, me vende të reja të punës, kujdes ndaj pleqve, të rinjve dhe fëmijëve, me arsim dhe shëndetësi cilësore, një shtet ku rinia e sheh këtu perspektivën për të jetuar dhe për tu zhvilluar.

I ftojmë elektoratin dhe qytetarët që të na bashkohen në përmbylljen e fushatës tonë sonte në ora 17:00 në Pallatin e Rinisë në Prishtinë.

LDK dhe koalicioni ju bën thirrje të gjithë qytetarëve që të dalin sa më masivisht në zgjedhje, për tu bërë pjesë e fitores dhe ndryshimit të madh, i cili është i pashmangshëm.

Bashkë dhe të vendosur, ju mirëpresim!

Subscribe në YouTube: GAZETA INFOKUSI