Lajme

Trupat e viktimave siriane kthehen nga Turqia, dhimbje e madhe në kufi

Autori: Gazeta inFokus 10:28 | 09 February 2023

Fotografi të realizuara në një pikë kufitare midis Turqisë dhe Sirisë tregojnë një skenë shkatërruese ndërsa familjet marrin trupat e të dashurve të tyre që vdiqën në tërmetin masiv të së hënës.

Trupat e më shumë se 300 sirianëve që vdiqën nga tërmeti në Turqi janë sjellë përtej kufirit, tha të mërkurën një zëdhënës i pikës kufitare Bab al-Haëa.

Trupat u dërguan përsëri në Siri në mënyrë që viktimat të mund të varroseshin në vendin e tyre, tha zëdhënësi i Bab al-Haëa, Mazen Alloush.

-Advertisement-

“Që nga e hëna e deri më tani kemi marrë kufomat”, tha ai. “Trupat e sirianëve, të cilët ishin në Turqi, na janë dërguar nga zona dhe spitale të dryshme”, raporton CNN.

Autoritetet nuk kanë bërë ende një ndarje të detajuar të kombësisë së viktimave. Turqia është shtëpia e rreth 3.6 milionë refugjatëve sirianë, sipas shifrave të OKB-së, me qindra mijëra sirianë që jetojnë në provincën jugore të Gaziantep, pranë epiqendrës së tërmetit.

Rreth 16 mijë persona tashmë dihet se kanë vdekur pas tërmeteve të së hënës në Turqinë jugore dhe Sirinë veriore.

Subscribe në YouTube: GAZETA INFOKUSI