Lajme

Trumpi thotë se më lehtë mposhtet Harrisi se Bideni

Autori: Gazeta inFokus 20:46 | 21 Korrik 2024

Kamala Harris do të jetë më e lehtë të mposhtet në garën për Shtëpinë e Bardhë sesa Joe Biden, ka thënë Donald Trump.

Në një telefonatë me CNN disa minuta pasi Bideni njoftoi largimin e tij nga gara e vitit 2024, Trumpi tha se nuk e dinte se me kë do të përballej, por sugjeroi se zëvendëspresidentja Harris nuk do t’i krijonte atij një problem më të madh se presidenti në detyrë.

Më vete, në një intervistë të shkurtër telefonike me r NBC News, Trumpi tha: “Nuk ka pasur kurrë një president që i ka bërë një dëm të tillë vendit tonë”.

-Advertisement-

“Nga pavarësia energjetike te lejimi i miliona e miliona emigrantëve të paligjshëm. Ne do ta rregullojmë atë që ka bërë”, u shpreh tutje ai.

Kur u pyet nëse ishte i befasuar me njoftimin, Trumpi tha: “Ai nuk duhet të kishte qenë kurrë atje në radhë të parë… duhet të kishte qëndruar në bodrumin e tij”.