Lajme

Trump vizitë zyrtare në Francë

Autori: Gazeta inFokus 09:43 | 13 Korrik 2017

Presidenti amerikan, Donald Trump mbërriti sot në Paris për të takuar homologun, Emmanuel Macron dhe për të marrë pjesë në paradën tradicionale ushtarake franceze të 14 Korrikut, njoftoi Shtëpia e Bardhë.

Trump do t’ia kushtojë mëngjesin e tij personelit civil dhe ushtarëve amerikanë, para se të fillojë pjesa diplomatike dhe përkujtimore e vizitës.

Presidenti amerikan, Donald Trump, i cili po përballet me dyshime të tjera për bashkëpunim me Rusinë, do të takohet me presidentin Emmanuel Macron, i cili parashikon të mund të krijojë një marrëdhënie më të afërt me presidentin e paparashikueshëm amerikan.

-Advertisement-

Ceremonia e pritjes do të nisë në orën 13:30. Takimi do të zhvillohet në orën 14:30 dhe do të pasohet nga një konferencë shtypi që do të mbahet në orën 16:15.