Lajme

Trump nuk është i vetmi, ja disa nga ish-udhëheqësit botërorë që janë përballur me akuza penale dhe kanë përfunduar në burg

Autori: Gazeta inFokus 12:27 | 31 March 2023

Donald Trump është ish-presidenti i parë amerikan që përballet me akuza penale. Mirëpo, ai nuk është i vetmi ish-lider botëror që është hetuar pas largimit nga detyra.

Më poshtë, një përmbledhje me disa nga ish-udhëheqësit që janë tërhequr në gjykatë dhe nuk i kanë shpëtuar dënimit me burg vitet e fundit.

Nicolas Sarkozy

-Advertisement-

Ish-presidenti francez u dënua me një vit burg dhe dy vjet me kusht pasi u shpall fajtor për korrupsion dhe tregti me ndikim në mars 2021.

68-vjeçari u dënua nga një gjykatë e Parisit pasi u përpoq të merrte në mënyrë të paligjshme informacion nga një gjyqtar i lartë në vitin 2014, sa i përket një veprimi ligjor në të cilin ishte përfshirë.

Më vonë në vitin 2021, Sarkozy u dënua me një vit arrest shtëpie pasi u zbulua se kishte financuar ilegalisht fushatën e tij për rizgjedhje në 2012.

Park Geun-hye

Në vitin 2018, ish-udhëheqësja e Koresë së Jugut u dënua me 24 vjet burg pasi ndaj saj rëndonin 16 akuza, duke përfshirë ryshfet, abuzim me pushtetin dhe zhvatje.

Ishte një rast i bujshëm korrupsioni që tërhoqi disa nga kompanitë më të mëdha të vendit.

Park, 71 vjeç, u fal nga pasardhësi i saj në dhjetor 2021.

Silvio Berluskoni

Berlusconi, ish-kryeministri italian, ka qenë në dhe jashtë gjykatës disa herë.

Në vitin 2012, ai u dënua me katër vjet burg për mashtrim tatimor të lidhur me kanalet e tij televizive.

Një vit më pas, Berlusconi, 86 vjeç, pretendoi se ishte “absolutisht i pafajshëm” pasi u shpall fajtor për pagesën për seks me një prostitutë të mitur. Dënimi i tij u anulua në vitin 2014 pas një apeli.

Najib Rezak

Ish-kryeministri i Malajzisë, 69 vjeç, filloi një dënim me 12 vjet burg vitin e kaluar pasi gjykata e lartë e vendit la në fuqi një vendim fajësie në një çështje masive korrupsioni në të cilën ai ishte përfshirë.

Hetuesit zbuluan se rreth 4.5 miliardë dollarë ishin vjedhur nga fondi shtetëror 1Malaysia Development Berhad ose 1MDB – i bashkëthemeluar nga Najib për të nxitur investime të reja në Malajzi – dhe se më shumë se 1 miliard dollarë shkuan në llogaritë e lidhura me Najib.

Subscribe në YouTube: GAZETA INFOKUSI
Etiketa:
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

lajme