Lajme

Trump kërkon urgjentisht ndërtimin e murit me Meksikën

Autori: Gazeta inFokus 16:49 | 21 December 2018

Presidenti amerikan, Donald Trump ka kërcënuar me mbyllje “shumë të gjatë” të Qeverisë në rast se demokratët nuk financojnë premtimin e tij për ndërtimin e murit në kufi me Meksikën.

Në një seri të postimeve në rrjetin social, Twitter, Trump ka kërkuar 5 miliardë dollarë, shumë e cila është miratuar në Dhomën e Përfaqësuesve, mirëpo pritet të dështojë në Senat.

Në rast nuk arrihet asnjë marrëveshje, disa pjesë të Qeverisë amerikane do të mbyllen në mesnatën e së premtes.

-Advertisement-

Një mbyllje e tillë e pjesshme do të shënonte herën e tretë që ndodh një gjë e tillë në agjencitë federale më 2018.

Përveç tjerash, Trump ka shtyrë edhe pushimet e tij në Florida edhe sipas ndihmësve të tij, ai i ka bërë thirrje liderit të repulikanëve në Senat, Mitch McConnell për të përdorur të ashtuquajturën “mundësi bërthamore”.

E ashtuquajtura “mundësi bërthamore” do të lejonte miratimin e buxhetit me një shumicë të thjeshtë prej 51 votave, në vend të 60 votave të kërkuara.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!

Të tjera