Lajme

Trump dhe Putin u takuan dy herë në Gjermani

Autori: Gazeta inFokus 09:03 | 19 July 2017

Presidenti i SHBA-ve Donald Trump, ka zhvilluar me homologun e tij rus Vladimir Putin një takim të dytë, të pazbuluar më parë në samitin e G20 të këtij muaji në Gjermani.

Ata biseduan pas një takimi zyrtar, por Shtëpia e Bardhë nuk ka zbuluar detajet e asaj që është diskutuar.

Presidenti Trump hodhi poshtë  raportimet e një “darke të fshehtë” , duke i quajtur ato si “lajme të rreme”.

-Advertisement-

Marrëdhënia e dy udhëheqësve është nën shqyrtim të thellë mes akuzave për bashkëpunim mes Rusisë dhe fushatës së Trump.

Inteligjenca amerikane beson se Rusia e ndihmoi Trump në zgjedhjet presidenciale të vitit të kaluar, gjë e cila është mohuar nga Rusia. Trump ka hedhur poshtë çdo marrëveshje.

Takimi i dytë ndodhi gjatë një darke private të krerëve të shteteve në samitin e G20 në Hamburg.

Presidenti amerikan ishte i vetëm dhe Putin ishte i shoqëruar vetëm nga përkthyesi i tij zyrtar,  shkruajnë mediat amerikane duke thënë se takimi zgjati një orë.

Versioni i vetëm i asaj që u diskutua iu dha zyrtarëve të Shtëpisë së Bardhë nga vetë Trump, pasi nuk kishte zyrtarë të  tjerë të SHBA-së prezent.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme