Aktorja dhe opinionistja e “Big Brother VIP Kosova”, Olta Gixhari, ishte e ftuar së fundmi në emisionin “SOL” me Adelina Hasanin, ku përjetoi një surprizë të papritur dhe emocionuese nga bashkëshorti i saj, Dori.

Në një moment të veçantë të intervistës, Olta priti që të dëgjonte disa fjalë dashurie në një letër të dërguar nga Dori, megjithatë, reagimi i saj ishte plot skepticizëm.

Ndërsa moderatorja Adelina Hasani filloi t’i lexonte letrën, Olta fillimisht nuk besoi se fjalët e ëmbla dhe plot dashuri ishin të burrit të saj.

Ajo reagoi me dyshime duke u shprehur: “S’ka mundësi! Ky s’është Dori!” dhe vazhdimisht insistonte që këto nuk ishin fjalët e tij tipike.

Përkundër bindjes së saj, Adelina konfirmoi që letra ishte autentike, madje i tregoi Oltës dhe mesazhin që Dori kishte dërguar me një fjalë përkëdhelëse për të.

Në fund, Olta e pranoi që ndoshta për shkak të angazhimeve të saj të shumta, ajo kishte humbur kontaktin emocional me fjalët e bukura që burri i saj i shpreh.

Ky moment i surprizës e tronditi aktoren, e cila u shpreh se ndoshta për shkak të ngarkesës së punës, nuk po i vlerësonte sa duhet ndjenjat që partneri i saj shprehte për të.

Ky moment prekës i solli një emocion të fortë dhe kujtesë për rëndësinë e vlerësimit të ndjenjave të sinqerta, edhe në momentet kur rutina e përditshme e bën më të vështirë këtë lidhje të afërt.

Për të parë më shumë detaje, ju mund ta ndiqni videon e mëposhtme:

“Jeta ime,

Po të shkruaj këtë letër pas shumë kohësh që nuk shkëmbejmë mesazhe për ndjesitë tona, por flasim vetëm për përditshmërinë dhe çunat tanë.

Dua të të them se jam shumë krenar për ty, dhe të dua gjithnjë e më shumë. Më ke zbukuruar jetën në çdo aspekt, e diamanti mbi të gjitha janë djemtë tanë.

Ti je dashuria ime më e madhe, dhe ajo që më bën të ndihem si një adoleshent kur të kam pranë. Je forca ime në momente të vështira dhe gëzimi im në ditë të trishta. Je ajo që na mbush shtëpinë me hare edhe atëherë kur je e dërrmuar e pagjumë.

Ne jemi shumë të lumtur kur ti je në shtëpi, dhe mezi presim të kthehesh kur je larg.

Këto kohë kur ti po punon larg shtëpisë ne jemi me ty sepse ne jemi një familje dhe nuk ndahemi kurrë, edhe pse vështirësi na dalin para, nuk ka asgjë të na ndajë.

Je mami më seksi në të gjithë botën, je vetvetja”.

KosovaMed përmbyll vitin me sukses – dhuron donacione për QKMF-në e Junikut

Sponsoruar