Lajme

Tri vite nga vrasja e Elvis Pistës, asgjë të re nga hetimet

Autori: Gazeta inFokus 11:02 | 15 June 2017

Sot janë bërë tri vite nga vrasja e kandidatit të PDK-së nga Rahoveci për deputetë të Kuvendit të Kosovës, Elvis Pista.

E tash e tri vite, organet e drejtësisë nuk kanë arritur të zbardhin motivet dhe as kryerësin e vrasjes së Pistës, ndonëse për këtë vrasje janë intervistuar më shumë se 60 persona të dyshuar, shkruan Indeksonline.

Për të ndriçuar vrasjen e Pistës, disa shkrime personale të tij ishin dërguar për ekzaminim në Finlandë, pasi që institucionet e Kosovës dhe as ato të EULEX-it nuk arritën të bëjnë një gjë të tillë.

-Advertisement-

Për ecurinë e hetimeve, në Prokurorinë Themelore të Gjakovës thonë se nuk ka asgjë të re.

Indeksonline ka kontaktuar me ta dhe përgjigja ishte se “Nuk ka ndonjë zhvillim dhe hetimet po vazhdojnë akoma për këtë  rast”.

Elvis Pista, është vrarë më 15 qershor 2014, derisa po largohej nga një restorant në Rahovec. Mbrëmjen tragjike ai po festonte ditëlindjen e gruas së tij.

Pista është qëlluar 4 herë nga prapa me silenciator (armë me shurdhues).

Kujtojmë se në zgjedhjet e 11 qershorit, kandidate për deputete në Kuvendin e Kosovës nga radhët e PDK-së ishte motra e Elvisit, Beatrisa Pista Demiri.

Ajo kishte thënë se po hyn në politikë për një arsye të fortë, për të ndriçuar vrasjen e dyshimtë të vëllait të saj./Indeksonline/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy