Lajme

Tri lagje të Prishtinës në terr, flet Shpen Ahmeti

Autori: Gazeta inFokus 20:59 | 23 November 2020

Shpend Ahmeti ka folur për tri lagjet e Prishtinës të cilat janë në terr.

Lagjia Bregu i Diellit, një pjesë e Velanisë dhe Matit 1 sërish sot kanë mbetur pa energji elektrike.

Kryetari i Prishtinës, Shpend Ahmeti ka thënë se kabllot e KOSTT që furnizojnë trafot e KEDS janë djegur.

-Advertisement-

Ahmeti përmes një postimi në Facebook ka thënë se Komuna as nuk e ndal as nuk e lëshon rrymën.

Sipas tij në bisedën e fundit që ka pasur me KEDS-in i premtuan se rregullohet brenda dy orësh.

Postimi i plotë:

Edhe njëherë kabllot e KOSTT që furnizojnë trafot e KEDS janë djegur.

Këto janë asete të KOSTT. Shpesh këto po shkaktojnë drejtime gishtash te njëri tjetri. Sot disa herë na lajmëruan që KEDS po asiston KOSTT për ti rregulluar.

Në bisedën e fundit – premtuan se rregullohet brenda dy orësh.

Ky status është informues.

Komuna nuk ndal dhe nuk lëshon rrymë.

KOSTT është kompani Publike e nivelit qendror dhe ka përgjegjësinë e përçimit të rrymës prej KEK deri tr KEDS, pra tensionin e lartë.

KEDS është kompani private dhe blen rrymë nga KEK dhe importues, dhe pastaj e paguan KOSTT për kalimin e rrymës nëpër rrjetin e tyre deri te trafo.

Pastaj na e sjell në shtëpitë tona dhe na e shet. Meqenëse nuk i lajmërohen të gjithë qytetarëve, po mundohemi të ju mbajme të informuar.

Tash është prioritet kthimi rrymës. Presioni im nuk i shpejton inxhinierët.

Pas përfundimit të kësaj krize, do të kuptojmë në detaje prishjen dhe do marrim masa që të sigurohemi se situata të tilla nuk ndodhin më.

Subscribe në YouTube: GAZETA INFOKUSI

Të tjera

Fokusi

lajme