Lajme

Tre persona humbën jetën nga COVID-19 në Kosovë

Autori: Gazeta inFokus 15:03 | 23 January 2021

IKSHPK ka njoftuar se gjatë 24 orëve të fundit në Kosovë, 3 persona kanë ndërruar jetë si pasojë e infektimit me koronavirus dhe 379 persona kanë rezultuar pozitiv.

IKSHPK ka bërë të ditur moshën e këtyre personave, shkruan Gazeta inFokus.

“Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Kamenicë 1 rast (82 vjeç), Pejë 1 rast (82 vjeç), Prishtinë 1 rast (90 vjeç).

Numri total i rasteve pozitive është 57.696 raste nga 218.142 persona të dyshimtë në virusin SARS-CoV-2 dhe 1.450 raste të vdekjes.

Gjatë 24 orëve të fundit, janë shëruar 244 pacientë derisa numri i përgjithshëm i të shëruarve deri më sot është gjithsej 50.731 raste, kurse numri i rasteve aktive është 5.515”, thuhet në njoftim. /Gazeta inFokus/

Të tjera