Lajme

Transporti hekurudhor në Kinë, gati për fluksin gjatë ditëve të festës

Autori: Gazeta inFokus 14:33 | 30 September 2020

Festa e Ditës Kombëtare pritet të rrisë numrin e udhëtarëve që përdorin transportin hekurudhor. Gjatë 11 ditëve të ardhshme pritet fluks udhëtaresh, për shkak se shumë njerëz kthehen në vendlindje ose planifikojnë udhëtime gjatë festës, shkruan Gazeta inFokus.

Një total prej 108 milionë udhëtimesh me tren pritet të bëhen deri më 8 tetor, me një mesatare ditore prej rreth 9.82 milionë udhëtime, -tha të hënën Grupi Shtetëror i Hekurudhave të Kinës, cituar nga “China Daily”.

Kulmi i transportit të trenave pritet të regjistrohet më 1 tetor, dita e parë e festës së Ditës Kombëtare, me 13 milionë udhëtime pasagjerësh.

-Advertisement-

Industria e turizmit të vendit ka shënuar rimëkëmbje edhe si rezultat i kontrollit efektiv të epidemisë Covid 19, tha kompania.

Për t’i shërbyer kërkesës në rritje, 9500 trena do të vihen në veprim çdo ditë, një shtesë prej 1200 trenash krahasuar me një periudhë normale./Gazeta inFokus/

Subscribe në YouTube: GAZETA INFOKUSI

Të tjera

Fokusi

lajme