Traktori mbyti dy të rinj brenda tre ditësh, njëri po punonte arën e tjetri po shkonte të merrte dru
Autori: Gazeta inFokus 16:40 | 18 May 2020
Traktori mbyti dy të rinj brenda tre ditësh, njëri po punonte arën e tjetri po shkonte të merrte dru
Brenda tri ditësh, një 16-vjeçar nga Shtimja dhe një 21-vjeçar nga Vitia, kanë vdekur si pasojë e aksidenteve me traktor. Njëri ka vdekur derisa ishte duke e punuar arën, derisa tjetri derisa po shkonte që të merrte dru. Express u sjell detaje rreth këtyre dy rasteve.
Dy të rinj kanë humbur jetën për më pak se një javë, si pasojë e aksidenteve me traktorë. Që të dy janë rrokullisur me traktorë, derisa po mundoheshin të ndihmonin familjen.
Rasti i fundit ka ndodhur dje rreth orës 18:00, në Komunën e Vitisë.
Detaje rreth këtij rasti ka dhënë zëdhënësi i Policisë për Rajonin e Gjilanit, Ismet Hashani.
Hashani ka treguar për Express se 21-vjeçari është rrokullisur, derisa ishte duke drejtuar traktorin e tij rrugës për Vernakollë, ku po shkonte që të merrte dru.
“Me datë 17.05.2020 rreth orës 17:45, policia e Kosovës stacioni policor në Viti kanë pranuar një informatën se personi i lindur me 1999 për derisa ishte duke drejtuar traktorin e tij rrugës për Vernakollë të Vitisë me qëllim që të shkoj për të marrë dru, i njëjti ka pësuar aksident me ç’rast është rrokullisur me traktor jashtë rrugës dhe ka pësuar lëndime të rënda trupore”, ka thënë Hashani.
Hashani thotë se viktima është dërguar menjëherë për tretman mjekësor në Shtëpinë e Shëndetit në Viti e pastaj edhe në Emergjencën e Gjilanit, por se nuk ka arritur që t’iu mbijetojë plagëve të marra dhe ka ndërruar jetë.
“Familjarë, ekipe mjekësore dhe zjarrfiksit kanë dalë në vend të ngjarjes për t’i dhënë ndihmë. I njëjti menjëherë ështê dërguar ne shtëpinë e shëndetit ne Viti, dhe me pas për emergjencën e Gjilanit ku gjatë rrugës fatkeqësisht mësohet se i njëjti ka ndërruar jetë si pasojë e plagëve të pësuara në aksident”, thuhet në përgjigjet e Hashanit drejtuar Gazetës Express.
Për rastin është njoftuar edhe Prokurori i Shtetit, derisa trupi i pajetë me urdhër të prokurorit iu është lejuar familjarëve për ceremoni mortore.
Një aksident i njëjtë ka ndodhur edhe në Shtime, para katër ditësh.
Atje një 16-vjeçar është rrokullisur, derisa ishte duke lëvizur me traktor, duke pësuar lëndime trupore.
Detajet e aksidentit i ka konfirmuar zëdhënësi i Policisë për Rajonin e Ferizajt, Agim Gashi.
Ai ka treguar se i riu kishte shkuar të punonte arën me traktor.
“Toka ku ka qenë duke punuar me traktor është e pjerrët dhe traktori është rrokullisur dhe e ka zënë përfundi. Familjarët menjëherë e kanë dërguar në spital, por fatkeqësisht i riu ka ndërruar jetë në Emergjencën e QKUK-së”, ka deklaruar Gashi.
Gashi ka deklaruar se në konsultim me prokurorin kujdestar rasti është duke u zhvilluar si ‘hetim mbi vdekjen’.
Të tjera
-
Sveçla takohet me Ballën, bien dakord që Policisë së Kosovës t’i bashkohet Taskforca e Përbashkët e Migracionit
Ministri i Punëve të Brendshme, Xhelal Sveçla, me ftesë të homologut i tij, T...
-
Perëndimi duhet të jetë në gjendje lufte
Nga: Anders Fogh Rasmussen, ish-sekretar i përgjithshëm i NATO-s (2009-‘14) d...
-
LAJMI I FUNDIT: Martin Berishaj po intervistohet në Prokurorinë Speciale
Martin Berishaj ambasadori i Kosovës në Kroaci, është duke u intervistuar nga...
-
Gërvalla në Kalabri të Italisë: Të shfrytëzojmë resurset dhe të forcojmë urat e bashkëpunimit
Ministrja e Punëve të Jashtme dhe Diasporës, Donika Gërvalla është duke qëndr...
-
Krasniqi takohet me Gorçeviqin e Malit të Zi, dakordohen për thellim të bashkëpunimeve
Ministri i Administrimit të Pushtetit Lokal, Elbert Krasniqi priti në takim m...
-
Serbi: Raporti i KE-së për Kosovën shihet si gjest armiqësor
Miratimi i raportit që i hap rrugën Kosovës për anëtarësim në Këshilin e Evro...
-
Kroacia nis procedurat për njohjen e patentë shoferëve të Kosovës
Qeveria e Kroacisë ka nisur procedurat për njohjen e ndërsjellë të patentë sh...
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...
-
Lajçak nga shtatori me post të ri
Përfaqësuesi i veçantë i Bashkimit Evropian për dialog Miroslav Lajçak do të ...
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
Osmani kujton mas*akrën e Belegut: Qoftë i përhershëm kujtimi për gjithë të rënët për liri
Presidentja e Kosovës, Vjosa Osmani, ka kujtuar masakrën e Belegut në Deçan, ...
-
Ministri italian i Mbrojtjes mbërrin në Kosovë, ambasada jep detaje për agjendën e tij
Ministri italian i Mbrojtjes, Guido Crosetto, ka mbërritur në Aeroportin Ndër...