Sulmuesi i kombëtares së Kosovës, Milot Rashica, është futur në listën e futbollistëve të ftuar për Werder Bremenin për ndeshjen ndaj Augsburgut në kuadër të Bundesligës, shkruan Gazeta inFokus.

Rashica është përfshirë me skuadrën pas një kohe të gjatë për shkak të lëndimeve.

Lidhur me rikthimin e futbollistit vushtrrias, ka folur edhe trajneri i Werder Bremenit, Florian Kohfeld.

Ai e ka konfirmuar që Rashica do të jetë pjesë e ekipit për ndeshje me Augsburgun si dhe ka shtuar se rikthimi i tij do të jetë shtytje për Bremenin.

“Ai do të jetë në skuadër për takimin ndaj Augsburgut. Gjëja më e rëndësishme është që Rashica ndihet shëndosh dhe mirë dhe mund të arrijë nivelin e lartë të fitnesit. Rikthimi i tij do të jetë shtytje për ne”, deklaroi Kohfeldt.

Milot Rashica mund të luaj pas më shumë se dy muajve./Gazeta inFokus/