Sport

Trajneri i Istogut tregon fajtorin e humbjes nga Dukagjini

Autori: Gazeta inFokus 17:48 | 07 April 2021

Istogu u mposht nga Dukagjini me rezultat 2-1, në kuadër të gjysmëfinales së parë në Kupën e Kosovës, shkruan Gazeta inFokus.

Golin e vetëm për Istogun e shënoi Ragip Mazrekaj, kurse për Dukagjinin realizoi Altin Merlaku dhe një autogol i njërit futbollist të vendasve.

Pas ndeshjes ka folur trajneri Istogut, Nazmi Rama, i cili tha se për shkak të gjendjes jo të mirë në fushë skuadra e tij nuk arriti të bënte lojë të bukur.

-Advertisement-

“Ne jemi skuadër që luajmë futboll të bukur dhe në këtë terren ishte thuajse e pamundur. U kam thënë futbollistëve që ajo skuadër që do gaboj më pak dhe do ketë më tepër fat do ta fitojë ndeshjen dhe ashtu ndodhi. Sikur kushtet atmosferike të ishin më ndryshe dhe gjendja e terrenit do ishte më e mirë ju garantoj që edhe skuadra jonë do ishte një tjetër ekip. Ne do të shkojmë në fundjavë për të luajtur me Dukagjinin dhe do të shfaqim ndeshje krejtësisht tjetër. Po ashtu do të luftojmë edhe në ndeshjen kthyese për ta përmbysur këtë rezultat”, ka deklaruar Rama.

Ndeshja kthyese mes Istogut dhe Dukagjinit do të luhet pas dy jave në stadiumin ’18 Qershori’ në Klinë./Gazeta inFokus/

Subscribe në YouTube: GAZETA INFOKUSI

Të tjera

Fokusi

sport