Lajme

Trajkoviq: Vuçiqi dhe Kurti poshtëruan serbët

Autori: Gazeta inFokus 22:14 | 03 April 2022

Në Serbi po votohet për zgjedhjet e rregullta presidenciale, zgjedhjet e parakohshme parlamentare dhe zgjedhjet lokale në 14 qytete.

Madje u raportua se serbët e Kosovës në mënyrë të organizuar u nisën drejt Serbisë për të votuar.

Rada Trajkoviq nëpërmjet llogarisë së saj në Twitter ka shprehur pakënaqësi ndaj presidentit serb Vuçiq dhe ndaj kryeministrit të Kosovës, Albin Kurti.

-Advertisement-

Ajo ka postuar foto ku shihet një numër i madh i qytetarëve duke pritur në radhë për të votuar.

Trajkoviq ka akuzuar presidentin serb Vuçiq dhe kryeministrin e Kosovës, Kurti, për këtë gjë, duke shtuar se i kanë poshtëruar serbët duke i trajtuar në këtë mënyrë.

“Kosova nën Kurtin – demokratike por vetëm nëse jeni i përkatësisë së duhur etnike. Nëse je serb i Kosovës, qeverisë Kurti nuk do t’i interesojë nëse nuk mund ta ushtrosh i lirë të drejtën tënde kushtetuese për të votuar”, ka thënë Trajkoviq

Ajo tutje shtoi: “Serbët nga Kosova, të çnjerëzuar, të poshtëruar, dhe të shtyrë në një “vathë” të tillë zgjedhor nga Vuçiqi dhe Kurti“.