Rozë

Tragjike! Humbën jetën nga i ftohti, aktorja e famshme gjen prindërit të vdekur në shtëpi (Pamjet)

Autori: Gazeta inFokus 11:03 | 24 December 2021

Prindërit e yllit të serialit “The Walking Dead”, Alicia Witt janë gjetur të vdekur në shtëpinë e tyre në Massachusetts të SHBA-së.

Siç raporton Associated Press, aktorja nuk kishte kontaktuar me prindërit për disa ditë, ashtu që u kishte kërkuar disa të afërmve t’u shkonin për vizitë.

“Për fat të keq, rezultati ishte i paimagjinueshëm. Po kërkoj pakëz privatësi për momentin për të vajtuar dhe për të mësuar të përballem me këtë ndodhi dhe humbje të pabesueshme”, ka deklaruar Witt për People.

-Advertisement-

Sipas mediave të huaja, policia ka thënë se kishte marrë njoftim se prindërit e Alicias kanë pasur problem me ngrohjen dhe se kanë përdorur një ngrohëse për shtëpinë e tyre të vjetërsuar, ndërsa nuk ka pasur shenja dhune dhe as prezencë të monoksidit të karbonit.

Kujtojmë se Hipotermia ndodh kur trupi e humb nxehtësinë më shpejt se sa mund të prodhojë nxehtësi, duke shkaktuar një temperaturë të ulët të trupit. Temperatura normale e trupit është rreth 37°C.

Hipotermia ndodh kur temperatura e trupit bie nën 35°C. Me rënien e temperaturës trupore, zemra, sistemi nervor dhe organet e tjera, nuk mund të funksionojnë normalisht. Nëse nuk trajtohet, hipotermia mund të çojë në dështim të plotë të zemrës dhe sistemit të frymëmarrjes dhe përfundimisht në vdekje.

Sipas hetuesve,hipotermia e shkaktuar nga ekspozimi i gjatë ndaj të ftohtit mund të ketë luajtur rol në vdekjen e Robert Ëitt 87 vjeç dhe Diane Ëitt 75 vjeç.