Lajme

Tornadot godasin Siçilinë, disa të lënduar- pemët shkulen nga rrënjët!

Autori: Gazeta inFokus 14:44 | 06 October 2021

Një tornado e fuqishme goditi qendrën e Katanias në Sicili, duke mbjelle kaos në rrugën e saj. Tromba e dhunshme e ajrit është shoqëruar edhe me shira të rrëmbyer.

Nga erërat e forta janë dëmtuar shumë objekte e makina, ndërsa pati dhe disa të lënduar, ndonëse shtrimi në spital nuk ka qenë i nevojshëm për asnjërin prej tyre.

Stuhia ka shkulur pemët nga rrënjët, ndërsa në shumë zona trafiku u bllokua.

Mediat vendase raportojnë se katër avionë u detyruan të ulen në aeroporte të tjera. Një ditë më parë, shirat e rrëmbyer bënë që lumenjtë të dalin nga shtrati në veriperëndim të Italisë, duke goditur rëndë sidomos rajonin e Ligurias të përballur me vërshime të befta uji e rrëshqitje toke

Të tjera