Lajme

Tmerrohet Prishtinasi, dëgjon të shtëna me armë afër shtëpisë, Policia gjen disa gëzhoja

Autori: Gazeta inFokus 22:55 | 17 July 2022

Sot në orët e para të mëngjesit ka pasur të shtëna me armë në rrugën “Sylejman Jashari” në Prishtinë. Rastin e ka denoncuar në Polici një qytetar, i cili kishte dëgjuar gjuajtjet afër shtëpisë së tij, shkruan Gazeta Sinjali.

Siç mëson Sinjali, ankuesi ka deklaruar se gjatë kohës sa ishte duke fjetur ka dëgjuar të shtëna me armë zjarri.

Pas raportimit të rastit, një patrullë policore bashkë me njësitin e hetimeve kanë dalë në vendin e ngjarjes ku edhe kanë gjetur katër gëzhoja të gjuajtjes me armë.

-Advertisement-

Burimet e Sinjalit kanë njoftuar se lidhur me këtë rast, prokurori kujdestar ka urdhëruar që të iniciohet rasti si “shkaktim i rrezikut të përgjithshëm” dhe të vazhdojnë hetimet.

Subscribe në YouTube: GAZETA INFOKUSI