Sport

Tjetër risi nga Infantino, botëror klubesh apo milionash!

Autori: Gazeta inFokus 07:57 | 24 October 2018

Presidenti i FIFA-s Xhani Infantino është gati të publikojë një tjetër ide inovative për botërorin e klubeve, për të përfshirë skuadrat më të mëdha. Pas kërkimit të investitorëve për të paguar 12 miliardë Dollarë për një turne që do të zhvillohej çdo 4 vjet, tani zvicerani që drejton qeverinë e futbollit global, avancon sërish.

FIFA ka premtuar se do të shpërndajë fitimet për botërorin e klubeve, në federatat kombëtare, dhe milionat nga kontratat me sponsorët do të gjenerohen edhe nga një tjetër turne që është propozuar të quhet Liga e Kombeve të botës. Kështu në total do të përfitohen 25 miliardë në 12 vjet për të dy turnetë, një xhiro stratosferike financiare që ka oponencën e fortë nga UEFA dhe shoqata e klubeve europiane.

Këtë javë Xhani Infantino do të prezantojë dy propozimet në këshillin administrativ të FIFA-s që përbëhet nga 36 anëtarë. mes opsioneve është dhe ai për një turne vjetor që do të zhvillohet mes Korrikut dhe Gushtit, gjithsesi për tu vendosur. Mundësitë gjithsesi janë thuajse zero që planet e presidentit të FIFA-s të realizohen me përpikmëri.

-Advertisement-

UEFA rrëzon këto opsione me frikën se turnetë në fjalë do ti heqin miliona dhe prestigj, Ligës së Kampioneve.

Subscribe në YouTube: GAZETA INFOKUSI