Lajme

Tjetër gjyq për Trump, ish-Presidenti akuzohet se ka paguar për të siguruar heshtjen e një aktoreje filmash për të rritur

Autori: Gazeta inFokus 13:59 | 26 March 2024

Çështja ndaj ish-Presidentit Donald Trump mbi akuzat për para cash për të siguruar heshtjen e një aktoreje filmash pornografikë do të shqyrtohet në datën 15 prill.

Ishte gjykatësi Juan M. Merchan ai që mori vendimin, i cili më herët qortoi avokatët e Trump ndërsa shqyrtonte caktimin e fillimit të gjyqit.

Përpos përpjekjeve të avokatëve se kjo çështje nuk qëndronte, gjykatësi mori vendim tjetër.

-Advertisement-

Prokurorët thonë se vetëm një pjesë e vogël e të dhënave të reja ishin të rëndësishme për çështjen ndaj ish-Presidentit.

Gjykatësi, i cili në fillim të muajit e shtyu çështjen të paktën deri në mes të prillit, i tha palës mbrojtëse se duhet të kishin vepruar më shpejt nëse besonin se nuk i kishin të gjitha dokumentet që mendonin se kishin të drejtë.

Ishin prokurorët e Manhatanit ata që vitin e kaluar ngritën këtë çështje.

Zyra e prokurorit të qarkut tha se kishte të dhëna të reja të pakta në dokumentet në fjalë dhe nuk kishte arsye për shtyrje të mëtejshme të gjykimit. Prokurori Mattheë Colangelo tha në gjykatë të hënën se numri i dokumenteve të reja që kanë lidhje me çështjen është mjaft i vogël, rreth 300 ose më pak.

Por për avokatin e Trump ishte e kundërta dhe flitet për mijëra dokumente, shifër që vazhdon të rritet.

Prokurorët e Manhatanit thonë se zoti Trump falsifikoi të dhënat e biznesit si pjesë e një përpjekjeje për të mbrojtur fushatën e tij të vitit 2016, duke i “varrosur” ato që ai thotë se ishin histori të rreme të lidhjeve intime jashtëmartesore.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

lajme