Lajme

Time Kadriaj – deputetëve të VV’së: “Nuk jeni ju për luftë, bash asnjo”

Autori: Gazeta inFokus 14:03 | 02 June 2023

Deputetja e AAK-së, Time Kadriaj ka thënë se deputetët e VV-së me sa duket kanë parë shumë filma aksion ditëve të fundit, por ka shtuar se po erdhi përnjëmend puna teri tek lufa “asnjë nga ta nuk janë për këtë punë”.

Kadriaj në seancën e Kuvendit ku po diskutohet për zhvillimet në veri tha se lufta nuk bëhet prej karrigeve të Kuvendit e nuk është ashtu siç duket në televizion, shkruan Reporteri.net.

“Ju që merri me portale, me përçarje po më duket se kohëve të fundit keni parë shumë filma aksion, e që regjinë e bëjnë me regjisor të njohur si Albini e Vjosa e që fundin e bëjnë sipas dëshirën, por që fundi s’po ju del mirë e s’po i del as Kosovës mirë.

-Advertisement-

Por lufta e konflikti nuk është as ashtu sikurse nëpër filma se ju nuk e keni përjetu me ngelë në acar e ngricë e të mos kesh ku të strehohesh, të ngelesh pa hëngër e pa pirë e me përjetu halucinacione e nuk po e kuptoni se lufta nuk bëhet prej karrigeve të Kuvendit e me fjalime patriotike se besoj me ndodh, vërtetë s’keni me e pritë mirë dhe keni me kërku azil se asnjë bash asnjo s’jeni për luftë nëpër vijat e para të fronit”, u shpreh Kadriaj.

Ajo tha se kryeministri Kurti u zbraps disa herë nga vendimet e tij dhe se me veprimet në veri po e rrezikon Policinë e Kosovës, ushtrinë e të gjitha mekanizmat e sigurisë.

“Ti asnjë veprim që bërë nuk e mbajte, u zmbrapse i turpëruar. Edhe tash njëjtë po bën duke rreziku Policinë e Kosovës, ushtrinë e të gjitha mekanizmat e sigurisë. Kthjellu ose shko në shtëpi se nuk do të jemi pjesë e agjendave tua që nuk janë në interes të Kosovës. Për herë të parë në historinë e Kosovës i ke bërë aleatët tanë të na kritikojnë e sanksionojnë”, u shpreh Kadiraj.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme