Sport

Thyerja e rekordeve të Kosovës, suksesi i vetëm i notarëve tanë në Kampionatin Evropian

Autori: Gazeta inFokus 17:51 | 08 August 2018

Katër notarët tanë, Fjorda Shabani, Eda Zeqiri, Dren Ukimeraj dhe Dion Kadriu, kanë mbyllur garat në kampionatin evropian, që po mbahet në Glasgow të Skocisë.

Suksesin e vetëm notarët tanë e arritën në thyerje të rekordeve të Kosovës.

Fjorda Shabani, që të martën mbushi 14-vjet, theu rekordin e Kosovës në 100 metra krol, duke arritur kohën 01:02:74 sekonda. Notarja e talentuar theu rekord edhe në 100 metra shpinë, duke përfunduar me kohë 01:05.87 sekonda.

-Advertisement-

Rekord theu edhe Dren Ukimeraj, në disiplinën 200 metra krol, me kohë 02:03:04. Dreni sukses personal pati edhe në disiplinën 100 metra shpinë, duke thyer rekord të Kosovës me kohë 01:04:62.

Rekord të vendit tonë, por në disiplinën 50 metra shpinë, theu edhe Eda Zeqiri, duke arritur kohën 00:30:95 sekonda.

Sa i përket renditjes së përgjithshme nëpër disiplina, garuesit tonë u renditen kryesisht në vendet e fundit, duke qenë ende larg pozitave garuesve tjerë, por mosha e re jep shpresa për përmirësim të mëtutjeshëm të kohërave të tyre.

Subscribe në YouTube: GAZETA INFOKUSI
-Advertisement-

Të tjera

Fokusi

sport