Lajme

Thyen urdhër ndalesën, mundohet të marrë me dhunë ish bashkëshorten

Autori: Gazeta inFokus 09:43 | 26 September 2022

Të dielën pasdite në Suharekë një grua u sulmua nga ish bashkëshorti i cili u mundua me dhunë ta fuste në makinën e tij.

Ish bashkëshorti u pengua nga disa persona të cilët i dolën në ndihmë gruas duke e penguar këtë të fundit që ta merrte. Megjithatë i dyshuari i mori telefonin gruas dhe u largua në drejtim të panjohur shkruan Gazeta Infokus.

Policia njoftoi se për të dyshuarin kishte të lëshuar urdhër ndalese dhe se tani rasti mbetet nën hetime.

-Advertisement-

”Viktima femër kosovare e cila kishte urdhër mbrojtës nga gjykata, ka njoftuar se ish bashkëshorti i saj i dyshuari mashkull kosovar ka tentuar që me dhunë ta fuste në veturën e tij. I dyshuari është penguar nga disa persona por i njëjti ka arritur që ti marr telefonin mobil viktimës dhe të largohet në drejtim të panjohur”, raportoi policia./Gazeta Infokus/

Subscribe në YouTube: GAZETA INFOKUSI