Lajme

Thirrja e fuqishme e Krasniqit në Hungari: BE-ja të veprojë, të hiqen sanksionet dhe të hapet rruga drejt anëtarësimit

Autori: Gazeta inFokus 07:20 | 29 October 2024

Deputetja e Lidhjes Demokratike të Kosovës, Rezarta Krasniqi ka bërë thirrje të fuqishme për heqjen e menjëhershme të sanksioneve ndaj Kosovës dhe dhënien e statusit të kandidatit për anëtarësim në Bashkimin Evropian.

Duke folur në seancën plenare të COSAC-ut në Budapest të Hunagrisë, Krasniqi e vuri theksin te urgjenca për veprime konkrete nga BE-ja, duke konsideruar se vendi ka nevojë për mbështetje të qartë për të ecur përpara në rrugën drejt integrimit evropian.

“Dëshirojmë të shprehim mirënjohjen tonë të thellë për vendin tuaj, veçanërisht për praninë e trupave ushtarake brenda KFOR-it dhe kontributin e tyre në sigurimin e një mjedisi paqësor dhe të sigurt për të gjithë qytetarët e Republikës së Kosovës. Shteti i Kosovës pret që kjo presidencë do të hapë rrugën drejt arritjes së një perspektike të integruar evropiane për vendin tonë. Kjo mund të realizohet vetëm nëse BE-ja ndërmerr veprime vendimtare ndaj Kosovës duke hequr sanksionet e vendosura një vit më parë dhe duke i dhënë statusin e kandidatit për anëtarësim në BE”, tha Krasniqi në fjalën e saj.

-Advertisement-

Krasniqi theksoi se integrimi i Kosovës në BE do të jetë vendimtar për stabilitetin ekonomik dhe politik të vendit dhe për sigurinë e rajonit, duke parandaluar ndikimet destabilizuese të aktorëve të jashtëm si Rusia dhe Kina.

“Perspektiva e Kosovës në Bashkimin Evropian, kryesisht sjell stabilitet të përmirësuar ekonomik dhe politik. Provomon rritjen e tregut të përbashkët dhe veçanërisht shmang rrezikun e destabilizimit brenda rajonit. Megjithatë është thelbësore të mos nënvlerësohet rëndësia e ndërhyrjeve të jashtme veçanërisht atyre nga Rusia dhe Kina. Më kujton një thënie të Benjamin Franklin. “Kujdes nga shpenzimet e vogla, një rrjedhje e vogël mund të fundosë një anije të madhe”, pohoi tutje Krasniqi.

Subscribe në YouTube: GAZETA INFOKUSI