Monedha ari kelte me vlerë disa milionë euro dhe të paçmueshme si thesare kulturore janë vjedhur nga Muzeu Kelt në Manching në Bavarinë e Epërme. Ministri i Shkencës dhe Artit i Bavarisë e cilëson si “katastrofë”.

Vitrina e thyer dhe e zbrazët, e cila deri atëherë strehonte një thesar ari më shumë se dy mijë vjeçar me vlerë disa milionë euro, u zbulua nga punonjësit e Muzeut Celtic-Roman në qytetin bavarez të Manning, të martën, pasi mbërriti në punë në orët e hershme të mëngjesit.

“Ishte një vjedhje klasike, si në një film”, tha një zëdhënës i Policisë Kriminale të Bavarisë (LKA) në Munih.

I gjithë ari u vodh, 483 monedha ari kelt me një peshë totale prej rreth katër kilogramë.

Sipas informacioneve të policisë, ende nuk është përcaktuar vlera klasike e arit sipas kursit ditor. Megjithatë, vlera e koleksionistit është disa milionë euro. Policia supozon se autorët do të përpiqen t’i shesin monedhat e arit në tregun e paligjshëm të artit ose “në rastin më të keq do t’i shkrinin”.

Ende është e paqartë nëse ka lidhje mes grabitjes së arit dhe sulmit sabotues në dhomën teknike në linjën telekomunikacionit në Manhing.

Autoritetet vunë re shpejt se linjat telefonike dhe interneti ishin të ndërprera në momentin e grabitjes.

Kryebashkiaku Herbert Nerb tha për Zidojce Zeitung: Ata prenë të gjithë linjat në Manhing. Muzeu është në fakt një vend i sigurisë së lartë. Por të gjitha lidhjet me policinë u ndërprenë.

Diku pas mesnate, hajdutët prenë disa kabllo optike në dhomën, që çoi në ndërprerjen e lidhjeve telefonike dhe internetit për 13 mijë përdorues të kompanisë private në rajon dhe bashkë me të edhe lidhja e alarmit të muzeut me policinë.

Ka shumë mundësi që pas të dy ngjarjeve të jenë të njëjtët autorë. Policia kriminale bavareze nuk e ka komentuar ende këtë supozim.

Sipas Muzeut Kelto-Romak, ky thesar i vjedhur është gjetja më e madhe e arit kelt e shekullit të 20-të. Ai daton rreth shekullit të parë para Krishtit dhe u zbulua gjatë gërmimeve në zonën Manhing në verën e vitit 1999.

Thesari është ekspozuar në muze që nga viti 2006 dhe që atëherë ka qenë një atraksion i madh.

I ashtuquajturi Opidum Manhing konsiderohet një vendbanim i jashtëzakonshëm kelt, në të cilin arkeologët ende po gërmojnë. Instituti Bavarez për Ruajtjen e Monumenteve e konsideron atë vendbanim ndër monumentet më të rëndësishme arkeologjike në veri të Alpeve.

Kjo grabitje është e fundit në serinë e grabitjeve të mëdha të muzeut në Gjermani. Në vitin 2019, një thesar u vodh nga muzeu “Green Vault” në ish Pallatin Mbretëror në Dresden. Vlera në treg e sendeve të grabitura është të paktën 113.8 milionë euro.

Në mars 2017, një monedhë ari 100 kilogramësh “Big Maple Leaf” u vodh nga Muzeu Bode në Berlin. Dy anëtarë të një prej klaneve arabe u dënuan me disa vjet burg për atë akt, por monedha e arit nuk u gjet kurrë.