Lajme

Theri me thikë një person në Ferizaj, arrestohet 31 vjeçari

Autori: Gazeta inFokus 09:10 | 09 June 2022

Policia e Kosovës ka njoftuar se është arrestuar një 31 vjeçar i cili dyshohet se kishte therur me thikë një person në Ferizaj, shkruan Gazeta Infokus.

Kjo është bërë e ditur përmes një njoftimi nga ana e policisë e ku thuhet se si provë materiale i është është sekuestruar edhe thika me të cilën dyshohet se është kryer vepra.

“Me datën 04.06.2022 rreth orës 12:40 në rrugën “Kemajl Hetemi” në Ferizaj, kishte ndodhur një rast i lëndimit të rëndë trupur, ku personi me inicialet Sh.S (M/K) i moshës 35 vjeçar kishte pësuar lëndime të rënda trupore ( therje me thikë) nga një person i cili kishte ikur nga vendi i ngjarjes dhe rasti fillimisht ishte cilësuar ” Lëmdim i rëndë trupor”. Sektori Rajonal i Hetimeve nga Drejtoria Rajonale e Policisë në Ferizaj, nën autorizim edhe të Prokurorit të Prokurorisë Themelore në Ferizaj,  kishte nisur hetimet intenzive dhe pas një pune hetimore, mbledhjes  së informacioneve në terren, shikimit të kamerave të sigurisē, dje me datën 08.06.2022 rreth orës 21:00 ka arrestuar të dyshuarin e kësaj ngjarje me inicialet Y.R ( M/K) i moshës 31 vjeçar dhe si provë materiale është sekuestruar edhe thika me të cilën dyshohet se është kryer vepra”, thuhet në njoftimin e policisë.

-Advertisement-

Po ashtu në këtë njoftim nga policia thonë se pas intervistimit nga hetuesit rajonal, me vendim të Prokurorit të rastit, i dyshuari ndalet për 48 orë , ndërsa rasti është ricilësuar si “ Vrasja e mbetur në tentativë”, për procedura të mëtejme hetimore./Gazeta Infokus/

Subscribe në YouTube: GAZETA INFOKUSI
Etiketa:

Të tjera

Fokusi

lajme