Lajme

Theret me thikë gruaja që ndërhyri për ta ndaluar rrahjen e bashkëshortit me dy burra

Autori: Gazeta inFokus 09:25 | 09 May 2023

Policia e Kosovës ka njoftuar se një grua në Prishtinë është therur me thikë pasi ka ndërhyrë dhe ka tentuar të ndalë një rrahje mes bashkëshortit të saj dhe dy burrave, shkruan Gazeta Infokus.

Sipas policisë, rasti ka ndodhur të hënën në rrugën “Mustafë Kruja”, në Prishtinë.

“Ankuesja kosovare ka raportuar në polici se derisa ka ndërhyre për t’i ndarë gjatë një rrahje burrin e saj dhe dy të dyshuar meshkuj kosovar njëri nga të dyshuarit e ka goditur me thikë në dorë duke i shkaktuar lëndime trupore”, thuhet në raportin e Policisë

-Advertisement-

Sipas njoftimit viktima është dërguar për trajtim mjekësor.

“Njëri nga të dyshuarit është arrestuar dhe me vendim të prokurorit është dërguar në mbajtje, ndërsa i dyshuari tjetër gjendet në arrati”, thuhet tutje në raport./Gazeta Infokus/

Subscribe në YouTube: GAZETA INFOKUSI