Lajme

Theren me thikë tre persona në Mitrovicë, arrestohen tre të dyshuar

Autori: Gazeta inFokus 17:41 | 01 January 2022

Tre persona janë arrestuar në orët e para të mëngjesit të së shtunës në Mitrovicë, pasi që dyshohet se kanë sulmuar me thikë tre persona tjerë, shkruan Gazeta Infokus.

Policia ka njoftuar se të lënduarve u është dhënë tretman mjekësor në Spitalin Rajonal të Mitrovicës, kurse njëri nga ta më pas është dërguar në Qendrën Klinike Universitare të Kosovës.

“Nga informacionet fillestare bëhet e ditur se si pasojë e përleshjes tre persona meshkuj kosovar kishin mbetur të lënduar të cilët janë dërguar në Spitalin Rajonal në Mitrovicë. Pas tretmanit mjekësor njëri nga të lënduarit është dërguar për tretman të mëtejmë në QKUK, ndërsa dy të lënduarit tjerë janë liruar në shtëpi. Sipas autoriteteve mjekësore të lënduarit lëndimet i kanë pësuar nga një mjet i mprehtë (thikë)”, thuhet në njoftimin e policisë.

-Advertisement-

Gjithashtu është bërë e ditur se rasti është inicuar si ‘’Vrasje në tentativë’’./Gazeta Infokus/

Subscribe në YouTube: GAZETA INFOKUSI
Thyhet REKORDI I ZBRITJEVE!

Të tjera