Lajme

“The Geopost” sjell fakte: “Lune” me bandën e vet rrah shqiptarët

Autori: Gazeta inFokus 20:08 | 14 July 2023

“The Geopost” ka siguruar një video dhe një fotografi të 6 dhjetorit 2022, kur në Mitrovicën Veriore, shefi i të ashtuquajturës “Mbrojtja Civile”, Milun Milenkoviq – Lune, së bashku disa serbë të tjerë, i ndalojnë dhe i rrahin katër të rinj shqiptarë, të cilët kishin kaluar urën kryesor të Ibrit dhe po ngjiteshin rrugës “Kral Petar”.

Siç shihet në videon e publikuar, fillimisht, banda kriminale serbe i ndalon shqiptarët, bisedojnë diçka dhe më pas i kthejnë mbrapsht, duke i goditur.

Ngjarja ka ndodhur saktësisht në orën 14:56, më 6 dhjetor 2022, në kohën kur në veri Mitrovicën Veriore kishte shpërthyer një granatë dore në objektin e KQZ-së.

-Advertisement-

Në këtë kohë, u ngritën barrikada të serbëve, të cilat nuk u tërhoqën deri më 28 dhjetor.

Gjatë kësaj kohe, në veri, përveç formacioneve ilegale e kriminale serbe, ishin parë edhe formacione paramilitare ruse, si “Ujqit e Natës” dhe “Wagner”./The Geopost/