Lajme

Thaçi: Rambujeja ishte fitorja e parë diplomatike e Kosovës që finalizoi çlirimin tonë

Autori: Gazeta inFokus 10:37 | 19 March 2019

Presidenti i vendit, Hashim Thaçi, duke përkujtuar Konferencën e Rambujesë në 20 vjetorin e mbajtjes së saj, ka thënë se kjo ishte fitorja e parë diplomatike e Kosovës.

Përmes një postimi në Facebook, Thaçi ka thënë se kjo marrëcveshje finalizoi procesin e çlirimit të Kosovës.

Sipas Thaçit, edhe sot si 20 vjet më parë , të gjithë duhet të bashkohen për jetësimin e ëndrrës së Kosovës, anëtarësimin e Kosovës në BE, NATO e OKB.

-Advertisement-

Ky është postimi i plotë i Thaçit në Facebook:

Finalizimi i Konferencës së Rambujesë në Paris, 20 vjet më parë, ishte fitorja e parë diplomatike e Kosovës, e cila i hapi rrugë intervenimit ushtarak të NATO-s për të parandaluar spastrimin etnik në Kosovë. Kjo marrëveshje finalizoi procesin e çlirimit të Kosovës, i nisur nga sakrifica dhe lufta jonë. Ajo u shndërrua në testament për shpalljen e pavarësisë së Kosovës. Bashkimi i spektrit politik në atë kohë dhe besimi i palëkundur te Shtetet e Bashkuara të Amerikës e bëri të mundur arritjen e kësaj marrëveshjeje pas negociatave të vështira dhe rraskapitëse. Sot, si 20 vjet më parë, duhet të bashkohemi të gjithë për të jetësuar ëndrrën e radhës – anëtarësimin e Kosovës në BE, NATO dhe OKB.

Subscribe në YouTube: GAZETA INFOKUSI

Të tjera

Fokusi

lajme