Lajme

Thaçi: Në darkën me presidenten kroate u ftuan edhe shqiptarë të suksesshëm

Autori: Gazeta inFokus 20:57 | 01 June 2017

Presidenti i Kosovës Hashim Thaçi i cili po qëndron në Kroaci, thotë se presidentja e këtij vendi për nder të tij ka shtruar një darkë ku ndër tjerash u ftuan edhe shqiptarë shumë të suksesshëm.

Sipas presidentit Thaçi, ky është konfirmimi më i mirë i marrëdhënieve miqësore ndërmjet dy vendeve tona. Ndërkaq thotë se është krenar me punën dhe të arriturat e tyre.

Postimi i Thaçit në Facebook:

-Advertisement-

Mënyra më e mirë për të përfunduar një ditë të shkëlqyeshme është një darkë e shtruar nga Presidentja Grabar-Kitaroviq, në të cilën për nderin tonë janë të ftuar disa nga shqiptarët e suksesshëm që e kanë bërë shtëpi të tyre të dytë Kroacinë.

Këta janë konfirmimi më i mirë i marrëdhënieve miqësore ndërmjet dy vendeve tona.

Jemi krenar me punën e tyre, me të arriturat e tyre dhe me respektin që kanë gjetur dhe e gëzojnë në Kroaci.

Këta janë fytyra e vërtetë e Kosovës, këta janë shembulli më i mirë për të gjithë ne. HTH