Lajme

Thaçi: Me një raport më të mirë pozitë dhe opozitë mund të shkojmë përpara

Autori: Gazeta inFokus 23:45 | 17 February 2020

Hashim Thaçi, Presidenti i Kosovës, në pritjen e organizuar nga ai për nder të 12 vjetorit të pavarësisë së Kosovës ka mbajtur edhe një fjalim.

Thaçi tha se liria e pavarësia e Kosovës u ndërtua shumë me mund dhe sakrificë, shkruan gazeta inFokus.

“Po kalojnë 21 vjet qe Kosova e fitoi lirinë dhe 12 vjet të pavarësisë. Liria u ndërtua me mund përpjeke e sakrifice. Është meritë e secilit për tërë këto vjet që kontribuuan që të vijmë në këtë ditë të 12 vjetorit. Edhe njëherë kujtojmë heronjtë e Kosovës, dëshmorët veteranët, diasporën dhe çdo qytetarë që dha gjithçka për liri dhe pavarësi”, tha ai.

-Advertisement-

Thaçi shtoi se vetëm më raporte më të mira në mes të pozitës dhe opozitës Kosova mund të ecë përpara.

“Sot në 12 vjetorin Kosova është më e konsoliduar edhe në rrafshin ndërkombëtar. Na presin përgjegjësi të jemi më efektiv në punë, në rrafshin politik të vendit. Sot po shënojmë 12 vjet shtet. Kosova është e njohur nga 100 shtete apo më tepër, është e anëtarësuar 200 vende ndërkombëtare. Prandaj para nesh shtrohen obligime të mëdha që Kosovës t’i ndodh liberalizimi i vizave dhe i ka përmbushur të gjitha kriteret për këtë. Objektiv e gjithë neve është të jemi sa më shpejt pjesë e NATO. Tërë ky angazhim do të vazhdohet nga të gjithë dhe një klimë më të mirë pozitë opozitë”, tha ai.

“Dëshiroj të falënderoj Shtete e Bashkuara të Amerikës. Do të punojmë ngushtë me SHBA-në, BE-në dhe NATO-n. Kosova është shteti më i ri dhe besoj se do ta meritojmë të jemi pjesë e NATO-s. Para nesh shtohet obligim t’i kultivojmë marrëdhëniet me ShBA-në. Jemi popullata më pro amerikane. Urime 12 vjetorin e Pavarësisë”, tha ai në fjalimin e tij në pritjen shtetërore.”/Gazeta inFokus/

Subscribe në YouTube: GAZETA INFOKUSI

Të tjera

Fokusi

lajme