Lajme

Thaçi: Më 18 tetor të mos mbahet mësimi në shkolla

Autori: Gazeta inFokus 14:54 | 11 October 2021

Ish-zëvendësministri i Arsimit, Jusuf Thaçi, ka deklaruar se një ditë pas zgjedhjeve nuk duhet të mbahet mësimi nëpër shkolla, në mënyrë që hapësirat shkollore të dezinfektohen.

Thaçi ka shkruar në Facebook se kjo do ta zvogëlonte mundësinë e infektimit të nxënësve, mësimdhënësve dhe personelit tjetër të shkollave.

“Për shkak të qarkullimit të madh të njerëzve në ditën e zgjedhjeve më 17 tetor 2021, ashtu siç ka kanë rekomanduar komunat, ditën e hënë, më 18 tetor 2021, nuk duhet të mbahet mësimi në shkolla, në mënyrë që hapësirat shkollore të mund të ajrosen, të pastrohen e të dezinfektohen dhe kësisoj të minimizohet mundësia e infektimit të nxënëseve, mësimdhënësve dhe personelit tjetër të shkollave”, ka shkruar Thaçi.

-Advertisement-

Edhe Asociacioni i Komunave të Kosovës para pak ditësh i ka kërkuar Ministrisë së Arsimit që 18 tetori të jetë ditë pushimi dhe kjo të shfrytëzohet që hapësirat shkollore të dezinfektohen, pasi aty do të kryeht procesi i votimit.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera