Lajme

Thaçi kërkon referendum për dialogun me Serbinë

Autori: Gazeta inFokus 11:40 | 03 August 2018

Presidenti i Kosovës, Hashim Thaçi në një konferencë për medie ka kërkuar referendum për dialogun me Serbinë.

Thaçi ka thënë se është i domosdoshëm deklarimi i vullnetit të qytetarëve përmes referendumit, shkruan gazeta inFokus.

“Në shërbim të këtij qëllimi unë jam duke zhvilluar konsultimet e nevojshme ndërinstitucionale dhe me partnerët ndërkombëtar që në një të ardhme të afërt ne të pajtohemi për të proceduar me legjislacionin dhe për të bërë të mundur që zëri dhe vullneti i qytetarëve në çështjet e rëndësisë vitale të shprehet nëpërmjet referendumit, sidomos të rast të marrëveshjes eventuale paqësore për normalizim, pajtim dhe njohje me Serbinë e konsideroj si të domosdoshëm deklarimin e vullnetit të qytetarëve nëpërmjet vullnetit të tyre përmes referendumit”, ka thënë Thaçi.

-Advertisement-

Ai madje ka shtuar se Qytetarët e Kosovës duhet të jenë në gjendje të jenë vendimmarrës në këtë proces të rëndësishëm dhe historik.

Thaçi gjithashtu ka bërë të ditur se aktualisht nuk Kosova nuk ka të drejtë për referendum.
“Kemi mbushur mbi 10 vite të shënimit si shtet i pavarura dhe demokratik, dhe për arsye të njohura deri sot jemi ndër shtete e pakta demokratike që ende nuk kemi arritur të miratojmë legjislacionin e domosdoshëm për të fuqizuar rolin e vendimmarrjes të qytetarëve dhe konkretisht nuk e kemi edhe të drejtën për të mbajtur referendum”./inFokus

Subscribe në YouTube: GAZETA INFOKUSI
Etiketa:
Përsëri në shkollë me Viva Fresh Store!  
-Advertisement-

Të tjera

Fokusi

lajme