Lajme

Thaçi i quan qesharake vendimet e Komunës së Prishtinës

Autori: Gazeta inFokus 16:37 | 30 January 2018

Analisti dhe ish-drejtori i Arsimit në Komunën e Prishtinës, Jusuf Thaçi e ka quajtur qesharak vendim e sotëm të komunës së Prishtinës për ndalimin e qarkullimit të veturave në qendër të qytetit nga ora 06:00 në mëngjes deri në mbrëmje, në orën 22:00, transmeton Infokusi.com.

Thaçi përmes një postimi në “facebook” ka shkruar se veturat nuk janë shkaktarë të ndotjes së ajrit pasi që gjatë zezonës së verës numri i veturave që qarkullojnë është shumë më i madh.

Sipas Thaçit institucionet duhet të detyrojnë urgjentisht termo-elektranat që të vendosin filtrat e duhur dhe duhet t’i ofrojnë familjeve e bizneseve të Prishtinës ngrohje qendrore, transmeton Infokusi.com.

-Advertisement-

Më poshtë mund të gjeni të plotë statusin e Thaçit bërë në “facebook”:

Ka disa ditë që në Prishtinë ndotja e ajrit ka arritur shkallën alarmante ndërsa sot komuna e Prishtinës ka marrë vendim që nga nesër të ndalohet qarkullimi i veturave nga ora 06:00-22:00. Të drejtë hyrje do të kenë vetëm autobusët, taksitë e licencuar, transporti i organizuar, automjetet e Policisë dhe FSK-së, dhe automjetet e emergjencës, shkruan Infokusi.com.

Komuna e Prishtinës ka marrë vendim gjithashtu për ndalimin e shitjes së thëngjillit dhe përdorimit të tij nga bizneset. Të gjitha linjat e autobusëve në Prishtinë do të jetë falas./INFOKUSI