Fokus

Thaçi e Veseli akuzohet për rreth 100 vrasje

Autori: Gazeta inFokus 15:53 | 24 June 2020

Zyra e Prokurorit të Specializuar në Hagë ka ngritur aktakuzë ndaj Hashim Thaçit, Presidentit të Kosovës.

Veç tij, i akuzuar është edhe Kadri Veseli, kryetari i PDK-së, shkruan gazeta Infokus.

Por, për çfarë akuzohet Hashim Thaçi nga Zyra e Prokurorit të Specializuar?

Sipas kësaj zyreje, Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme.

Krimet e paraqitura në aktakuzë përfshijnë qindra viktima të identifikuara shqiptarë, serbë dhe romë të Kosovës, por edhe kundërshtarë politikë.

Gjithashtu këtu thuhet që Prokurori i Specializuar e gjykon të domosdoshëm që të nxjerrët njoftimi publik për akuzat, për shkak të përpjekjeve të përsëritura të Thaçit e Veselit për të penguar e sabotuar punën e DHSK-së.

Besohet se z. THAÇI dhe z. VESELI kanë ndërmarrë në fshehtësi një fushatë për shfuqizimin e ligjit që krijoi Gjykatën dhe ndryshe kanë penguar punën e Gjykatës në orvatje për t’i bishtnuar drejtësisë, Nëpërmjet këtyre veprimeve, z. THAÇI dhe z. VESELI kanë vënë interesat e tyre vetjake mbi viktimat e krimeve të tyre, sundimin e ligjit dhe popullin e Kosovës./Gazeta Infokus/

Të tjera